Nicolas III, marquis de Montferrat

Gennes. Avec lequel furent faiz et constituez douze conseillers, selon la coustume du pays, pour gouverner la chose publique. Et briefz jours après , Fachinquant*, capitaine moult renommé en Ytalie, moult amy audit marquis, vint sans délay, à tout ses gens , audit lieu de Gennes , sur l'intencion d'estre en aide audit marquis. Mais lesdiz Genevois ne le vouldrent recevoir, et fut par eulx tefusé. Et en s'en retournant , ses gens, qui estoient bien huit mille combatans , prindrent une belle ville nommée Neufville% où il avoit François qui se tenoient ou chastel , et taniost furent asségez soudainement. Mais ledit Bouciquault , acompaigné de ses gens et des gens desdiz frères , le duc de Milan et le conte de Pavie , après ce qu'il eut oy les nouvelles de la rébellion desdiz Genevois , vint hastivement ou chastel de Gaaing % assis entre Gennes et ladicte ville de Neufville , et se combatit avecques ses gens contre ledit Fachinquant. En laquelle bataille furent occis bien huit cens hommes, dont la plus grant partie estoient audit Fachinquant; et, enfin, pour la nuit qui survint, l'une partie et l'autre laissèrent la bataille. Et Bouciquault, par le conseil de Enguerran de Bournonville qui estoit avecques lui , et de Gadifer de la Sale , tous deux hommes d'armes pleins de proesse, retourna en celle mesme nuit audit chastel

1. Facino Cane, comme on vient de le voir. Le Religieux de Saint-Denis ne parle pas de ce refus des Génois de recevoir le condottiere. Au reste ce partisan était tellement redouté qu'on l'appelait le fléau de la Lombardie, et l'ennemi de Dieu et des hommes.