Gaing, dans Suppl. fr, 93, Gani

40 CHROINIQUE [1409]

de Gaaing , lequel il garny et pourveu très gi ossement de vivres et autres choses neccessaires à guerre. Et le dessusdit Fachinquant demoura dedens la ville. Mais dedens briefz jours ensuivans, lui voiant qu'il ne povoit avoir ledit chastel , se départi, à tout ses gens^ et retourna en ses fortresses. Et le mareschal Bouciquault commença à mener forte guerre aux Genevois, et eulx à lui. Et avec ce envoia ses messages devers le roy de France pour lui signifier les besongnes dessusdictes , en lui requérant qu'il lui voulsist envoler aide de gens d'armes. Lequel Roy et son grant conseil, quant il sceut les nouvelles , considérant la muableté et desloyaulté des Genevois , disposa à procéder meurement contre iceulx. Et depuis , y envoya à ses despens , les seigneur de Torcy, de Rambures et de La Vielzville , à tout certain nombre de gens d'armes , jusques à la cité d'Astinence* appartenant au duc d'Orléans, prouchaine du territoire de Gennes, en espérance de bailler secours à icellui Bouciquault. Mais quant ilz furent venus jusques là , ilz sceurent véritablement que tout le pays estoit tourné en rébellion , réservé aucunes fortresses que tenoient encores lesdiz François dehors de ladicte ville de Gennes; lesquelz ne povoient point faire grans dommages , pour ce qu'ilz n'y povoient tenir grant nombre de gens , pour les vivres , qu'ilz avoient à danger. Et par ainsi lesdiz chevaliers , aians considéracion l'un avec l'autre , et qu'ilz ne povoient faire chose de grant valeur, s'en retournèrent en France. Et adonc , furent quis dedens Paris et ailleurs, tous les marchans et autres gens dudit pays de Gennes , et ce

L Monstrelet se sert ici du mot lalin. C'est Ast, ou Asti.

qui en fut trouvé, furent mis prisonniers, et leurs biens arrestez et mis soubz la main du Roy. Si avoient iceulx Genevois esté par longtemps en l'obéissance du roy de France , et l' avoient servy en plusieurs guerres assez diligemment.