CHAPITRE LXI

Comment le duc de Berry retourna à Paris du commandement du Roy. Du mariage du fîlz du roy Loys de Cécile. Et de l'assemblée qui se fîst à Meun le Chastel.

Au commencement de cest an , fut le duc de Berry remandé de par le Roy à venir à Paris, lequel y revint

et fut envoyé avecques le roy de Navarre * à Gien sur Loire, pour appaiser le discord entre le duc de Bretaigne d'une part, et le conte de Penthièvre et sa mère d'autre part^ Pour lesquelles deux parties, jà soit ce qu'ilz eussent promis de y comparoir en personne , si n'y furent-ilz pas , mais envoièrent leurs procureurs pour eux. Lesquelz de Navarre et de Berry, mirent et rendirent grant peine par moult de manières à les mectre d'accord. Mais pour ce qu'ilz n'y porent besongner, mirent la discencion en la main du Roy, par le consentement desdictes parties, de lors jusques à la Teste de la Toussaint ensuivant, et après s'en retournèrent à Paris.

En ce temps fut fait et conclud le mariage de l'ainsné filz du roy Loys de Cécile et de Katherine, fille au duc Jehan de Bourgongne \ Laquelle , par messire Jehan de Châlon, seigneur de Dorlay*, et le seigneur de Saint-George^, messire Jehan de Champdivers et messire Jaques de Courtiamble % fut conduicte et menée jusques à Angers , et là délivrée à la Royne \ femme

i , Charles III , dit Le Noble , fils de Charles le Mauvais.