Sic dans Siippl. fr. 93. Il faut lire d'Arlay

5. Guillaume de Vienne, chevalier, seigneur de Saint-George et de Sainte-Croix.

6. Messire Jacques de Courtiambles , seigneur de Commarien, chevalier, conseiller et chambellan du Roi et du duc de Bourgogne.

7. Isabelle d'Aragon, femme de Louis II, duc d'Anjou et roi de Sicile.

dudit roy Loys, laquelle la receut moult agréablement, et fist grant chère et grant honneur aux chevaliers dessusdiz et à tous ceulx qu'ilz avoient avecques eulx. Et après peu de jours, s'en retournèrent à Paris devers leur seigneur ledit duc de Bourgongne.

Item, en ce mesmes temps, s'assemblèrent en la ville de Meun le Chastel les ducs d'Orléans et de Bourbon , les contes de Clermont , d'Alençon et d'Armaignac , et messire Charles de Labreth , connestable de France, avec plusieurs grans seigneurs de grant puissance et auctorité. Lesquelz eurent par plusieurs journées de grans consaulx Tun avecques l'autre sur les affaires , et par espécial sur la mort du duc d'Orléans défunct , pour savoir principalement , comment ne par quelle manière , on pourroit procéder contre le duc de Bourgongne pour avoir vengence de sa personne, et comment on se y auroit à conduire. Si furent mises avant plusieurs et diverses opinions, et estoient aucuns d'opinion que le duc d'Orléans lui fist guerre mortelle à l'aide de ses seigneurs, parens, amis et allez et bien veuillans , par toutes les manières que faire se pourroit. Les autres disoient qu'il valoit mieulx tenir autres termes, c'estassavoir de remonstrer au Roy leur souverain seigneur, qu'il feist justice et raison dudit duc de Bourgongne , et qu'à lui appartenoit à ce faire , car il lui touchoit comme à la mort de son propre frère germain. Et en fin , pour ce qu'ilz ne povoient estre tous confermez en une seule opinion , prindrent une autre journée pour estre ensemble. Mais avant qu'ilz se départissent , fut traictié le mariage dudit Charles , duc d'Orléans , à la fille du conte II 5

d*Armaignac \ laquelle estoit niepce du duc de Berry de par sa mère , et aussi , seur du conte de Savoie. Et ce fait , les seigneurs dessusdiz se départirent , et s'en ala cliascun en sa seigneurie. Et alors le duc de Bourgongne estant à Paris , gouvernoit plus que tous les autres princes du royaume et se conduisoient les besongnes et afaires par lui et ses favorisans. Dont il n'est point à doubter qu'il n'eust plusieurs envieux.