CHAPITRE LXIL
Comment le roy Loys de Cécile s'en ala à Prouvence et à Boulongne la Grasse contre le roy Lanselot. Item, la mort du pape Alixandre, et l'élection du pape Jehan , XXIII* de ce nom.
En ce temps le roy Loys se parti de Paris , à tout grant nombre de gens d'armes , et s'en ala en Prouvence , et de là à Bonongne la Crasse , pour aler à rencontre du roy Lancelot, son adversaire, défendre et garder son pays de Naples , où ledit roy Lancelot faisoit continuellement de grans maulx. Pour quoy, comme dit est , par ledit roy Loys fu faicte très grant assemblée de navire et de gens d'armes pour y résister, et avecques ce, avoient espérance que le pape Alixandre leur feroit aide et assiste n ce en tout ce qui lui seroit possible , tant d'argent comme de gens. Mais en brief terme , la besongne tourna tout autrement qu'il ne pensoit.
Car, lendemain de l'Invencion Saincte Croix, ledit pape fut empoisonné en la viUe de Bonongne la Grasse,
i . Bonne , fille de Bernard VII, comte d^Armagnac.
[1410] D'ENGUERRAN DE MONSïRELEÏ. 67
comme il fut commune renommée, et mourut très piteusement \ Et furent ses entrailles enterrées et ses obsèques fais en l'église des Cordeliers , et célébra la messe le cardinal de Viviers, les dyacre et soubzdiacre furent les cardinaulx d'Espaigne et de Thurin , et estoient tous ceulx de la court vestus de noir, faisans très grand deiiil. En après, le vf jour du mois de may, le corps dudit pape qui estoit embasmé de fines espices , fut mis en la sale où il tenoit son audience, vestu de vestemens sacerdotales, la face descouverte et ungs gans en ses mains et nudz piez descouvers, et quiconques le vouloit baiser, faire le povoit. Et furent fais neuf services de mors en ce lieu mesmes, et y avoit vingt cardinaulx, deux patriarches, quatre arcevesques et vingt quatre évesques , avec plusieurs abbez , docteurs et plusieurs autres gens d'église. Ses armes furent mises aux quatre coings du sarcus \ Et furent dictes et chantées par neuf jours , messes et services , tout ainsi et par telle manière que le lendemain qu'il fut trespassé ; lesdictes messes furent célébrées Tune après l'autre par les cardinaulx , et le ix^ jour dudit mois , fut le corps porté aux dessusdiz Cordeliers. Et le portèrent, devant, les cardi-
1 . VJrt de vérifier les dates met la mort du pape Alexandre V au 3 mai, qui est le jour même de la fête de l'Invention de la Sainte-Croix. Mais d'après notre auteur, ce serait le 4. Ce que corrobore la note suivante, que nous tirons d'un registre du parlement. « Le quart jour de ce mois (mai 1410) ala de vie à trèspas monseigneur Alexandre Quint , pape , noble théologien , mais parum peritiis in tanto regimine; et n'a duré au papat que xi mois. » (Registre xiii du conseil, folio 114 v°.) RaynalcÛ dit, dix mois et huit jours.
