Jagellon, dit Vladislas V
desconfiture se rassemblèrent l'un contre Tautre, c'estassavoir ledit roy de Poulane et les deux roys dessusnommez , d'une part , qui bien avoient six cens mille combatans, contre ledit maistre de Pruce et plusieurs autres grans seigneurs chrestiens. Lesquelz par lesdiz Sarrasins furent desconfis , et en y de mors en la place soixante mille ou plus. Entre lesquelz furent mors le grant maistre de Pruce ^ et ung gentil chevalier de Normandie , nommé sire Jean de Ferrières, filz au seigneur de Vieuville. Et de Picardie, y mourut le filz du seigneur du Bois d'Ânnequin. Et, comme il fut commune renommée , la bataille fut perdue par la coulpe du grant connestable de Hongrye, lequel estoit en la seconde bataille des chrestiens , et se parti, lui et ses Hongrois, sans cop férir. Néantmoins lesdiz Sarrasins n'emportèrent point la gloire , ne la victoire, sans perte. Car, sans les Poulenois , dont il en mourut bien dix mille , moururent bien aussi le nombre de six vingt mil Sarrasins , comme tout ce fut rapporté par héraulx , et aussi par le bastard d'Escoce , qui se appelloit conte de Hembe. Si y estoient aussi le seigneur de Quievrain et Jehan de Gros , hennuiers , et avecques eulx bien vingt quatre gentilz hommes de leur pays. Laquelle bataille ainsi finée, lesdiz Sarrasins entrèrent en Pruce. Si la destruisirent et la dépopulèrent en moult de lieux, et tant, qu'en peu de temps prindrent douze villes fermées et les dégastèrent , et encores eussent persévéré
i. Il se nommait Ulrich de Jungingem. La bataille se donna près de Tanneberg, le 15 juillet 1410. Ulrich eut pour successeur Henri Reuss , comte de Plawen, qui fît sa paix avec le roi de Pologne l'an 1411.
[i410] D'ENGUERRAN DE MONSTRELET. 77
de mal en pis, se ce n'eust esté ung vaillant chevalier, nomme Charles de Maroufle , de l'Ordre de Pruce , lequel de rechef assembla grant nombre de chrestiens, à Taide desquelz il print force et vigueur, et par son bon gouvernement recouvra plusieurs desdictes bonnes villes , et en fm , expulsa hors dudit pays lesdiz Sarrasins.
