CHAPITRE LXXVIII
Comment le duc Jehan de Bourgongne fist grant assemblée de gens d'armes et ala asséger la yille de Hem en Vermendois.
Item , après ce que le duc Jehan de Bourgongne fut véritablement acertené comment le duc d'Orléans et ses aliez se mectoient sus à grant puissance pour lui venir courir sus en ses pays, et que déjà avoit assis ses garnisons en plusieurs lieux, villes et fortresses appartenans à lui et aux siens, et aussi que icelles garnisons avoient couru et fait grant dommage en ses pays et de ceulx qui tenoient son party, il ne fut de ce point bien content. Et pour à ce résister, manda en tous ses pays , tant en Bourgongne, Flandres et Artois, comme ailleurs, tous les nobles et autres qui se avoient acoustumé d'armer, à venir devers lui le plus hastivement que faire se pourroit, très bien armez et habillez, prestz pour aler en sa compaignie au mandement du Roy pour rebouter ses ennemis et adversaires. Et d'autre part , fist requeste à ses bonnes villes du pays de Flandres qu'ilz le voulsissent servir à puissance en icelle exercite. Lesquelles villes lui accordèrent assez libéralement, et se mirent sus bien jusques au nombre de quarante à cinquante mille hommes, très bien armez, et embastonnez selon la coustume du pays. Et
J72 CHROINIQUE [1411]
si avoient pour porter leurs harnois, \ivres et habillemens de guerre , environ douze mille , que cbariotz que cbarètes, et très grant nombre de ribaudequins , ausquelz pour les mectre faloit à chascun ung cbeval ; et estoient iceulx ribaudequins , babillemens qui se portoient sur deux roes, et y avoit manteaux de ais, et sur le derrière longues brocbes de fer pour clorre une bataille ^ se besoin g estoit , et sur chascun d'iceulx estoit assis ung gros vulgloire^ ou deux. En oultre ledit duc de Bourgongne manda pareillement à le venir servir, le duc Antboine de Brabant , son frère , à tout sa puissance. Lequel y vint à très belle compaignie. Et si y vint aussi ung chevalier anglois , nommé messire Guillaume Baldach , lieutenant du capitaine de Calais ^, à tout environ trois cens com batans anglois. Et se firent toutes ces assemblées entour la ville de Douay et d'Arras.
En après, ledit duc de Bourgongne, partant de la ville de Douay, avec lui son frère le duc de Brabant et très grande multitude de nobles hommes , s'en vint loger en la ville de Lescluse, appartenant au conte de La Marche. Et lendemain, premier jour de septembre, se desloga assez matin et s'en ala loger en une plaine aux champs emprès Marquion , et là fist tendre ses tentes et pa veillons, et actendi tous son ost par deux jours , et par espécial les communes de Flandres , qui y vindrent en très grant appareil et se logèrent par très belle ordonnance. Si sembloit, à veoir de leurs tentes , pour le très grant nombre qu'il en y avoit ,
