Penthièvre

gneur de Heilly, qui naguères a voit esté fait mareschal d' Acquilaine , le seigneur de Saint-George , messire Jehan de Croy, Enguerran de Bournonville , le seigneur de Fosseux, le gouverneur duDaulphiné nommé messire Renier Pot, le senesclial de Haynnau, messire Jehan de Guistelle, messire Jehan de Brimeu, le conte de Quint \ anglois , et plusieurs autres nobles tant du pays de Bourgongne comme de Picardie et autres lieux et pays. Et furent estimez par gens à ce congnoissans, au nombre de six mille combatans toutes gens de guerre, et de trois à quatre mille piétons de la ville de Paris. Et quant ilz furent aux champs , si cheminèrent par bonne ordonnance aians plusieurs guides , jusques à demie lieue de la ville de Saint-Cloud , où estoient logez les Orléannois, et povoit estre huit heures du matin quant ilz y vindrent , et si faisoit moult divers temps de froit et de gelée. Et eulx là venus et arrivez sans ce que leurs adversaires en feussent advertis, ledit duc envoya le mareschal de Bourgongne, messire Gautier de Rupes, messire Gui de Ija ïremoille et le Veau de Bar, à tout huit cens hommes d'armes et trois cens archers, tout oultre sur la rivière de Seine , devant Saint-Denis , pour empescher leurs adversaires qu'ilz ne passassent par ung neuf pont qu'ilz avoient fait sur ladicte rivière. Lesquelz seigneurs dessusdiz en firent grandement leur devoir. Si rompirent une partie du pont et si bien le gardèrent, que iceulx leurs adversaires ne porent passer. Et après, ledit duc estant en la montaigne en bataille , où il a

1. « Le conte de Kin >• {Suppl. fr. 93). C'est le comte de Kent.

[14ilJ D'ENGUERRAN DE MONSTRELET. 205

trois chemins , mist en l'un le seneschal de Haynnau, messire Jehan de Guistelle, le seigneur de BrimeuP, Jehan Phelippe et Jehan Potier, capitaines anglois , et avoient tous ensemble quatre cens chevaliers et escuiers et autant d'archers. En l'autre chemin furent mis les seigneurs de Heilli et de Ronq , Enguerran de Bournonville et Ame de Viri, à tout autant de gens que ceulx devant nommez. Et en la tierce partie furent ordonnez Orsonville , le conte de Quin ', avec aucuns autres capitaines Picars. Et au dessus de la ville , par les vignes , furent ordonnez tous les Parisiens et autres piétons en très grant nombre. Lesquelles compaignies dessus ordonnées vindrent tout à une foiz assaillir ladicte ville , laquelle iceulx Orléannois avoient fortifiée, tant de trenchis et fossez comme de barrières, au mieulx qu'ilz avoient peu. Ausquelles barrières et autres lieux défensalîles , eulx qui desjà estoient advertis de la venue de leurs ennemis , se mirent à défense très vaillamment par l'ordonnance de leurs capitaines qui estoient avecques, c'estassavoir, en chef, messire Jaques de PlacheP, gouverneur d'Angoulesme, le seigneur de Tambour*, Guillaume Batillier et messire Mansart du Bois , le Bourg Jacob ", chevalier, avec trois autres chevaliers de Gascongne , et se défendirent aucune espace. Mais par le grant nombre de leurs adversaires , qui de toutes pars les assailloient vigoreusement , convint eu assez brief