Voy. plus bas, p. 22(à
[i4H] D'ENGUERRAN DE MONSTRELET. 211
prédicacions furent dénoncez pareillement. Et lendemain le Roy fut en l'église Nostre-Dame de Paris, et la messe oye , retourna au Louvre, et là print son disner, auquel il receut et fist asseoir à sa table honorablement le conte d'Arondel auprès du duc de Bourgongne. Et là , en icelle \ille de Paris , par plusieurs jours, furent tenues de grandes congrégacions pour le fait de la guerre qui estoit encommencée, pour savoir comment le Roy se y avoit à conduire et gouverner. En la fin desquelz fut advisé pour le mieulx, que le Roy, ne ses princes , pour cause de l'iver, ne se mectroient point sus à tout leur puissance, jusques à Testé ensuivant, mais tant seulement seroient mis sur les frontières des ennemis, aucuns capitaines pour iceulx poursuivir et envayr. Entre lesquelz y furent commis le mareschal de France , nommé Boussiquault , le seigneur de Heilly, mareschal d'Acquitaine , Enguerran de Bournonville , Amé de Viri , le seigneur de Miraumont et plusieurs autres, avec très grant nombre de combatans, lesquelz ilz conduirent et menèrent à Estampes , à Bonneval et es marches d*environ , avec lesquelz aussi estoit le seigneur de Ronq. Laquelle ville de Bonneval se rendi tantost en l'obéissance du Roy, à la requeste des dessusdiz capitaines , lesquelz , ou la plus grant partie, se logèrent en celle ville. Mais ceulx de la ville d'Estampes ne furent point prestement conseillez d'obéir au Roy, car il y avoit garnison de par le duc de Berry. Lesquelz commencèrent à résister et à faire guerre contre les gens du Roy et du duc de Bom^gongne, par l'exortacion et ordonnance de messire Loys Bourdon , qui se tenoit à Dourdan , et en estoit capitaine.
2i2 CHRONIQUE [1411]
En ces mesmes jours, par le consentement dudit duc de Bourgongne, messire Jehan de Croy, filz premier né du seigneur de Croy, qui estoit encores prisonnier* au duc d'Orléans, se parti de Paris, à tout huit cens combatans, et s'en ala au chastel de Moncheaulx en la conté d'Eu , dedens lequel estoient les enfans au duc de Bourbon et de la duchesse sa femme, c'estassavoir ung filz de trois ans ou environ , et une fille de son premier mary, aagé de neuf ans, avecques leurs nourrices et autres leurs serviteurs , et si y estoit le filz messire Mansart du Bois et le seigneur de Foulleuse, chevalier. Lesquelz, tous ensemble, furent prins dedens ledit chastel par ledit messire Jehan de Croy, lequel, avecques tous leurs biens, les amena ou chastel de Renti ^, et là les tint prisonniers jusques à ce que le seigneur de Crouy, son père , lui fut rendu. Laquelle prinse venue à la congnoissance dudit duc de Bourl)on et la duchesse sa femme , en eurent au cuer très grant tristesse , et par espécial ladicte duchesse en fut si troublée qu'à peu près qu elle ne mourut de dueil.
