Faisant le coin

216 CHROINIQUE [1411]

de ceulx de dedens fut mis à sauWeté. Fiiiablement , après que ledit conte Walerant eut esté trois mois ou environ devant ledit cliastel de Coucy, fut traictié fait entre ledit messire Robert et lui , par telle manière qu'il s'en yroit lui et toutes ses gens, avecques tous leurs biens portatifz , à saulvetè , là où bon leur sembleroit, soubz bon sauf conduit, et avecques ce auroit pour ses frais douze cens escuz. Si s'en parti, à tout cinquante combatans ou environ, desquelz estoient les principaulx , son filz , le Baudrain d'Esne , chevalier, Rigault de Fontaines dessusdit, et Gaucher de Bessu. Et si y estoit la dame de Gaucourt dont dessus est faicte mencion. Et s'en ala icellui Robert et la plus grant partie de ses gens demourer à Crevecuer et ou Chastel-en-Cambrèsis * .

Après la reddicion dudit chastel de Coucy, ledit conte de Saint-Pol y mist garnison de ses gens, et y commist capitaine messire Girard de Herbannes. Et estoit avecques lui en cel exercite Jehan de Luxembourg, son nepveu^, le vidame d'Amiens, le seigneur de Honcourt et plusieurs autres nobles chevaliers et escuiers de Picardie, et par espècial de ses seigneuries ^ Et là tantost après , comme chevalier sage et de grant prudence et digne de rèmunèracion , fut par le Roy et son conseil , esleu et commis connestable de France , et là lui fut baille l'espèe, en faisant par ledit conte le serment de bien et loyaument exercer ledit office ; duquel fut dépose et jugé comme indigne messire Charles de Labreth. Et pareillement le sei-