ANSELME MATHIEU

TOUN POUTOUN

Mai de poutoun Que de boutoun.

A Mllo

Fres poutoun, perlo de blasin, Bais pur de l'enfant que s'ajouco, E bèuta drudo dou rasin Poutounant la pampo di souco;

Folo bequeto de sausin, Caresso d'auro dins ti blouco, Soun liuen dou poutoun cremesin Que nais e mor subre ta bouco.

Poutoun d'amour, apassiouna, Que voudriéu prene emai douna, Prene cent fes e cent fes rendre,

E sèmpre ausi soun piéuta dous, Que nous enlioco touti dous, E recounforto dins soun tendre.

ANSELME xMATHIEU. 413