Chapitre xxxi. Texte de Jean V. Âlby

moult courroucié, print le dit Mahi et li volt faire trancher la teste, mais le Roy lui dist qu'en vérité, il n'auoit point esté à la mort de ses gens, et que s'il trouuoit qu'il en eust esté oncques consentant ne coulpable, il obligeoit sa tes te à côper. Or lui dist Gadifer que bien si gardast et que ce seroit à son péril, car il s'en informeroit tout à plain. Et en oultre le Roy (ui promist qu'il lui bailleroit tous ceuls qui furent à tuer ses gens. Et à tant s'en alèrent tous ensemble au chastel de Rubicon.Et là fut mis le Roy en deux pairez de fers et Mahi en autre paire, lequel Mahi, aucuns jours après, se déliura par faute de fers* qui estoient trop larges. Quant Gadifer vit cela, il fist enchaisner le Roy et lui fist ester une paire de fers qui le blessoient.