CHAPITRE TRENTE-SEPTIÈME

Et lors se partirent de là et prinstrent leur chemin pour aler visiter toutes les autres isles et vindrent en Tisle d'Enfer, et là coustoierôt tout du long sans prendre terre, et passèrent tout droit en Tisle de la Gomère et y arriuèrent par nuit, et de ceulx d'icelle isle fasoient feu en auscun lieu, sur le riuage de la mer. Si se mistrent des compaignôs on ung coquet et descendirent au feu, et là trouuèrôt un home et iij fêmes qu'ilz prinstrent et les amenèrent en la barge et là demeurèrent jusques au jour. Puis descendirent aucuns pour prendre eaue, mais les gens du pays s'asamblèrent et leur coururent sus et tant qu'il leur côuint retourner en la barge sans prendre eaue, car le lieu et la place où nos gens estoient descenduz, estoit merueilleusement en grant désauantage pour nous.

1. Texte de Jean V de Béthencourt. Chapitre xli. Édition normande, p. 68, ayant pour titre : Conimenl la compagnie se partit de la Grand Canare et passa l'Isle d'Enfer jusques à i'isle de Gomère.