Jean Leverrier, sans doute

trauail auec Gadifer et se sont tousiours vaillamnt et vigoureusement maintenuz et aussi sont tous les autres compaignons desquelz aucuns sontcy nômez c'est assauoir pierre DuPlessis, Guillé Danderrac, Pierre Enguerran, Guillaume d'Alemaigne, et plusieurs autres, et espécialement un nômé Jehan le Masson, et vn autre nômé Girard de Seurberay^ qui se sont tousiours les plus aventurez et se sont plusieurs fois en-contré ou leurs ennemis, et tousiours les ont vaincuz et mesmement naguairez qu'ilz s'encôtrèrent on un troupeau de gens et se férirent parmy euls et les desconfirent et en print le Masson vn et Girard en blessa vn d'une flèche parmy la poitrine et les autres se mistrent en fuite et quant celui que Girard auoit naurése sentit féru, il torna sus Girard et le porta à terre et le trayna longuemêt par les cheueulx et print des fléchez, que Girard auoit et l'en féri maint coup et le cuida tuer, et après qu'ilz orent lôgueraôt estriué, Girard le mit sous lui et l'ocist, et tous les autres compaignos se sont plusieurs foys encontre on leurs ennemis mais non mie en si grant danger côme ces ici et tousiours ont eu victoyre sur euls, grâce à Dieu, excepté les ij qui furent tuez tantost après la traison de Bertin de Berneual, mais euls auoient affaire à trop forte partie et fu plu par traison que autrement, car, au cômencemôt, les Canarez leur monstraient signe d'amour, aussi qu'ils auoient aooustumé, iusques à tât qu'ilz furent saisiz de leurs armez et puis leur coururent sus, et les povres compaignons mistrent très grât deffence en euls et se combatirent moult longuemêt, mais en la fin, ilz ne peurent durer contre euls et moururent à grant martire, mais euls ont esté bn reuengiez depuis car nous en auons tué pour euls plus de L que de ceuls qui furent à leur mort que d'autrez.