CHAPITRE QUARANTE-SIXIÈME

Après se départirent es iij parties du monde, et encore y sont les généracions qui d'euls sont descenduez et de Tune de ces généracions issit Abraham, hôms parfait et Dieu crémant, à qui Dieu dôna la terre de promission, voyre à ceulx qui de luy ystroient et Dieu les ama molt et les fist son sainct pueple, et s'appelèrent les filz d'Israël. Et les mist hors du seruage d'Égipte et fist de grant merueilles pour eulx et les essaulsa sur toutes les gents du monde, tant comme ilz les trouua bons et obéissans à lui, mais, contre son côraendemôt et contre sa voulenté, ils se prinstrêt aux fômes d'autres loys, et adourèrent les ydoles et les voyaux d'or, que Jéroboam auoit fais en Samarie, pour quoy il se courroussa à eulx et les fist destruire et les bailla es mains des païens et des philistins par plusieurs foys, mais tantost cômeilz se repentoient et ilz luy crioient mercy, il les releuoit et mettoit en grant prospérité et fist telle chose pour euls, qu'il ne fist oncques pour nul aultre peuple, car ilz leur dôna les prophètes qui parloient par la bouche du Saint-Esprit et leur annonçoient les choses à uenir. Et l'auènement de Jeshucrist, qui deuoit naistre d'une Virge. C'est assauoir de la Virge Marie, laquelle descédit de ce peuple de la lignye le roy Dauid, lequel roy décôdit de la lignée de Juda, le fils Jacob, et qu'il

1. Texte de Jean V de Béthencourt. Édition Société normande, p. 77. Titre, chapitre l : Eneores pour introduire ceux des isles.