CHAPITRE CINQUANTE-QUATRIÈME

Et quant eulx furent là, ils trouuèrent formierez sur le riuage, dont les fourmiz estoient moult grans et trouuèrent grand foison d'or et gaingnèrent les marchans merueilleusement en ce voyage, puis se patirôt de là et tindrent tousiours le chemin selon le riuage de la mer et trouuèrent une isle, moult bone et riche, où ilz firôt grandement leur proufit et s'appele Insula Vulpis, et y sont les gens ydolàtrez et de là se partirent et alèrent plus auant et trouèrent vne aultre isle qui s'appelle Caable et la laissèrent à main dextre, puis trouuèrent vne montaigne moult haulte et moult abondante de tous bûs, qui s'appelle Alboc, de laquelle naist une riuière moult grant et de là s'en tourna la galée des Mourez et le

frère demeura aucun temps illec puis s'en entra en

Royaume de Gotome et là sont les montaignes tant haultez que l'en dit q ce sont les plus haultez du monde et aucuns les appeloiôt les Mons de la Lune et les aultres les Mons de l'Or, et sont six et naissent d'ellez viu grosses riuièrez, qui toutes choyent on flun de l'Or et y font vn moult grant lac, et dedans ce grât lac, a une moult grât isle qui s'appelle Paloa, qui est peuplée de gens noir et de là s'en ala tousiours auant, jusques à vne riuière nomée Eufrate, qui vient de Parradis Terrestre et la trauersa, passa par maintes diuerses et estranges contréez et s'en ala droit à la cité de Melce, là OÙ demoroit prstre Johan et là demeura moult de iours, pour ce qu'il y voiet moult de choses merueilleuses, des-

quellez nous ne faisons nulle mancion, quât à présent en ïire liure pour plus brefuement passer oultre, et nre entencion est au plaisir de Dieu d'en déclairer vne aultre foys plus à plain. Et mesmement se partit il, la saison auât que nous venissons par dessà, vn bateau avec xv compaignons dedans d'une de nos isles nomée Erbane et s'en alèrent au cap de Bugeder, qui sciet on Royaume de la Guynoye à xu lieuez près de nous et là prinstrent des gens du pais et s'en retournèrent à la Grant Canare, là où ils trouuèrent leurs compaignos et leur nauire qui là les attendoiôt.