LIBER PRIMUS

Carmina qui quondam studio florente peregi, Flebilis, heu, mœstos cogor inire modos.

Ecce milhi laceræ dictant scribenda Camenæ, Et veris Elegi fletibus ora rigant.

Has saltem nulius potuit pervincere terror, Ne nostrum comites prosequerentur iter :

Gloria felicis olim viridisque juventæ, Solantur mœsti nunc mea fata senis.

Venit enim properata malis inopina senectus, Et dolor ætatem jussit inesse suam.

Intempestivi funduntur vertice cani, Et tremit effeto corpore laxa cutis.