Congregatio Consistorialis

i. Duas hœc sacra Congregatio, easque distinctas partes complectitur.

2. Ad primam spectat non modo parare agenda in Consistoriis, sed prœterea in locis Gongregationi de Propaganda Fide non obnoxiis novas diœceses et capitula tum cathedralia tum collegiata constituere ; diœceses jam constitutas dividere; Episcopos, Administratores Apostolicos, Adjutores et Auxiliarios Episcoporum eligere; canonicas inquisitiones seu processus super eligendis indicere actosque diligcnter expendere; ipsorum periclitari doctrinam. At si viri eligendi vel diœceses constituendœ aut dividendœ sint extra Italiam, administri Officii a publicis Negotiis, vulgo Secrétariat Status, ipsi documenta excipient et positionem confident, Congregationi Consistoriali subjiciendam.

3. Altéra pars ea omnia comprehendit, quœ ad singularum diœcesium regimen, modo Congregationi de Propaganda Fidc subjectœ non sint, universim referuntur, quœque ad Congregationes Episcoporum et Concilii hactenus pertinebant, et modo Consistoriali tribuuntur. Ad hanc proinde in posterum spectent vigilantia super impletis vel minus obligationibus, quibus Ordinarii lenentur; cognitio eorum quœ ab Episcopis scripto relata sint de statu suarum diœcesium ; indictio Apostolicarum visitationum, examenque earum quœ fuerint absolutœ, et, post fidelem rerum exposilionem ad Nos delatam singulis vicibus, prœscriptio eorum, quœ aut necessaria visa fuerint aut opportuna; denique ea omnia quœ ad regimen, disciplinant temporalem administrationem et studia Seminariorum pertinent.

4. Hujus Congregationis erit, in conflictatione jurium, dubia solvere circa competentiam sacrarum Congregationum.

5. Hujus sacri Consilii Summus Pontifex perget esse Prœfectus. Eique Cardinales a secretis S. Officii et Secretarius Status semper ex officio accensentur, prœter alios, quos Summus Pontifex eidem adscribendos censuerit.

6. A secretis semper esto Cardinalis a Summo Pontifice ad id munus eligendus; aller ab ipso erit Prœlatus, cui Adsessoris nomen, qui idem fungetur munere a secretis sacri Collegii Patrum Cardinalium, et sub ipso sufficiens administrorum numerus.

7. Consultores hujus Congregationis erunt Adsessor Sancti Officii, et a secretis Congregationis pro Negotiis ecclesiasticis extraordinariis, durante munere : quibus accèdent alii, quos Summus Pontifex elegerit.