Ztem. Les dit maistres tiendront en leurs boutiques

comunement les livres dispensaires de mesire Nicolas et autres semblables concernant led. estat.

22. Item. Est deffendu pour ladvenir à touttes personnes, tant chyrurgiens que aultres, de quelque estat qu’ilz soient, baïiller ou administrer à quelques personnes potions médicinales, clystères, pilules, poudres électuaires et médecines laxatives, attendu les grandz dangers qui à cause dignorance se peuvent ensuyvir, sur peine de vingt livres tournois à appliquer comme dessus.

Digiized by CO qle PRINCETON UNIVERSITY

23. Item. Est deffendu à tous espissiers et autres personnes de quelque estat qu’ilz soient qu’ilz n’aient à vendre ne tenir en leurs maisons et boutiques compositions laxatives, opiacées ou aultres drogues concernant ledit estat, sur peine de confiscation des choses dessusdites, et de quarante solz damende à appliquer comme dict est.

24. Item. Est deffendu à tous les maistres dud. estat ne baiïller ne administrer médecine laxative à quelque personne que ce soit sans le conseil ou ordonnance de l’ung ou de plusieurs desd. médecins, sur peine de vingt livres damende à appliquer comme dessus.

25. Item. Est deffendu ausd. appoticaires dispenser aucune recepte en laquelle ils cognoistront y avoir erreur manifeste qu'ilz n'aient communicqué audit medecin ou autres.

26. Item. Est deffendu ausd. appoticaires ne confire en miel ce qui se debt confire en sucre, sur peine de cents sols d'amende à appliquer comme dessus.

27. Item. Lesd. appoticaires poiseront toutes leurs médecines tant laxatives que autres ou les mesureront selon le style, poix et mesure de médecine dont doibvent estre munis en leurs bouticques.

28. Item. Il leur est deffendu n'administrer aucune recepte de medecine si elle n’avoit este ordonnée par ung docteur en médecine ou pour le moins licentié.

29, Item. Pour l'advenir iceulx appoticaires achepteront les compositions laxatives de marchands forains, mais les dispenseront eulx mesmes, sur les serments et confiscations dessusdites, et les pourront achepter ceulx qui n’en ont de leurs compositions par juste prix et raisonnable.

30. Ztem. Pour l'advenir le maistre de la bouticque dudit estat dressera et dispensera luy mesmes les receptes de médecine et compositions concernantes ledit estat, ou aura ung maistre varlet qui ce pourra bien faire, et ne se attendra ledit maistre à son apprentif, si luy ou son varlet le faisait besongner en sa présence, en sorte qu'il ne puisse commettre faulte.

31. Ztem. Les femmes veufves qui sont présentement demeurantes en ceste ville de Caen ou forsbourgs tenant boutique, et celles qui pourront estre pour l'advenir jouiront de l’estat privilege en ayant bon serviteur suffisant ydoine pour regir l’ouvroir de lad. veufve, au moien que led. serviteur fasse apparoir aulx gardes comme il aura demouré et exercé led. estat en ville du Roy sous maistre le temps contenu en lesd. ordonnances sous les sermentz et subjections sulz escriptz.

32. Item. S'il advenoit que lad. veufve voulsist marier aud. serviteur, iceluy sera tenu faire chef d'œuvre, lecture et souffrir exament jouxte la forme et teneur de lad. ordonnance s’il veult jouyr dud. estat.

33. Item. Pour l’advenir s’il est trouvé alcung maistre dud. mestier d’appoticaire, d'espissier, marchands forains et autres faisantz le traffique de leurs espisseries, drogues et compositions appartenant audit estat soit reffusans que cesdites drogues, composition, chandelles de cire et aultres marchandises ne feussent veues et visitez, il sera pour ledit reffus ou delay vins à cent solz d'amende appliquez comme dessus.

34. Item. Pour l'advenir ne seront souffertz en ceste ville ou forsbourgs triacleurs (1), porteurs de tablettes et

(1) Triacleurs = thériaqueurs vendeurs de thériaque.

Diitzed by (OC gle PRINCETON UNIVERSITY

autres manières de gentz abusant dudit mestier d'appoticaire ne bailler potions et aultres médicaments sophistiqués sans esgard ne consideration de medecine, au grand préjudice de la République, sur peine de confiscation des compositions et d'amende arbitraire.

35. Ltem. En faisant les visitations dessusdites, les maistres, veufves et serviteurs seront tenus jurer devant lesd. doyen, docteur et gardes dud. estat qu'ils ne cacheront ne mettront en chambre ne autre lieu secret aucunes drogues compositions ou simples qui ne soient aussi loyales ou suffisantes comme celles qui seront publiquement baillez en leurs bouticques, et que lesd. maistres ou serviteurs n’en mettront point de pires en œuvre, et s’il advenoit que led. doyen pour quelque empeschement ne peut comparoître, un autre de la faculté par luy délégué tiendra son lieu.

36. tem. Les médecins de ceste ville ne tiendront bouticque dud. estat en leurs maisons ny ailleurs et n'auront varletz pour icélles bouticques tenir en leur nom pour

- esviter aux abuz et deffraudations dudit estat, sur peine de vingt livres tournois d'amende.

37. Ltem. Il est deffendu à tous les maistres et tenant bouticques dudit estat ne vendre ni bailler drogues vénéneuses, sinon à ceux qui ont de coustume d'en user, comme orfebvres et maréchaux, au moyen qu'ils ayent certitude de la probité desd. otfebvres et maréchaux et que de ce il n'arrive aulcung inconvenients, sur peine de cent livres d'amende à appliquer comme dessus.

38. Liem. Pour l'advenir les dessusditz pourront ouvrer et besongner de cire en leurs maisons et aultres lieux où ils seront receux comme ïilz ont acoustume au temps passé.

Original fror

39. Ztem. Quand aulcungs desditz appoticaires auront encommencé servyr et penser aulcunz patientz en leurs maladies, les aultres maistres ny brigueront ny solliciteront contre eulx et n’en prendront la charge de les pencer au préjudice des premiers occupantz, si ce n'estoit par la priere desd. patientz et malades, sur peine d'amende arbitraire.

40. Item. Les gardes et jurez dudict mestier auront pour l'advenir en leurs sayssines lesd. ordonnances, lesquelles ils garderont diligemment pour en respondre et les restituer en temps opportun aux aultres gardes qui leurs succederont pour s’en ayder ainsi que de raison.

41. Item. Les dicts maistres seront tenuz comparoyr au jour et heure assigné par led. doyen de la faculté de médecine pour faire les visitations des herbes selon qu'il est accoustumé, et payeront les nouveaux maistres leurs herbes.

42. Item. Pour l'advenir sera esleu un clerc ou courtier par lesd. gardes et maistres dud. estat, lequel sera tenu faire les semonces [et] invitations concernantz led. estat d’appoticaire comme il appartiendra, et advertyr lesd. maistres quand il sera venu en cested. ville ou forsbourgs marchandises concernantz led. estat et mestier, et aura led. clerc pour chacung an pour sa peine et sallaire, pour faire les semonces et invitations, la somme de vingt sols tournois, laquelle somme luy sera payée annuellement le jour de S. Lucas, à la despence de la bourse commune dudit estat d'appoticaire, laquelle bourse et deniers seront à la garde des gardes dud.mestier qui seront subjects faire papier journal des mises et receptes par ceux faictes durant leurs charges pour en rendre loyal et véritable compte aulx nouveaux gardes et aultres maistres, et à iceluy papier des à present seront immatriculez par ordre les

riginal from

oigtized by (304 gle PRINCETON UNIVERSITY

EN © ee

noms et surnoms des maistres et veufves qui présentement tiennent bouticque et exercent led. estat pour jouyr de ces présents privileges pourveu qu'ilz soient de la qualité que dessus.

Les dessusd. ordonnances ont esté accordées par les doyen, docteurs et maictres appoticaires devant nous Pierre André, escuyer, lieutenant général de Monsieur le bailly de Caen, en la présence, de l'accord et consentement des advocat et procureur du Roy en ce bailliage, et suivant les susd. accord et consentement avons dit et déclaré que lesd. ordonnances sortiront leur plain et entier effect. Et à esté commendé aulx dessusd. appoticaires les garder et entretenyr sur les peines cy contenues et déclarez. Faict le 5° jour d’apvril mil cinq centz quarante et six, avant Pasques. Des temoins desquelles choses dessus dites, nous lieutenant dessusd. advocat et procureur du Roy avons signé le présent et fait signer au greffier ordinaire de mond. s' le bailly de la viconté de Caen, lesd. an, mois et jour dessusd.

Signé : ANDRÉ, DU HAMEL, GAUGAIN et GUÉRARD.

Chascung ung paraphe.

Original from pigiized by GO gle PRINCETON UNIVERSITY

Original from

SNAEn Es