PROLOGUE

pays, mais celluy debuons deffendre et soustenir en ensuyuant du saige Caton la sentence qui en son liure dict, pugna pro patria. Si doncques a ce sommes tenuz et obligez, qui est entre les vertueux actes très estime, ce nest moindre vertu a lhomme de coucher par escript les actes et faictz dignes de mémoire, lesquelz par laps de temps sont advenuz en sa cite et pays. Ce congnoissant ay entreprins a reciter et amplement descripre les opinions des aucteurs qui ont traicte et escript la construction et fondation de la ville de Paris, qui est le lieu de ma natiuite. Puis ensuuyray toutes les choses fort louables par les princes et roys en Paris acomplies, et tous les ediffices par eulx faictz depuis le temps quelle fut premièrement habitée, iusques au temps du treschrestien roy de France, Francoys premier de ce nom, avec certains epigrammes en mètres que iay chascun en son lieu apposez, pour en auoir plus grant mémoire et souuenance.