DE LA FONDATION ET AN

tiquite de la Ville et Cite de Paris.

our amplement declairer la vérité de la construction et fondation de la Ville et Cite de Paris, sont trouuees plusieurs et diverses opinions racomptees par divers aucteurs. Plusieurs sont qui sesbahissent comme dune telle et si noble ville on ne trouue par escript plus amplement la vérité de son fondateur et le nom dicelluy, ensemble la dacte du temps quelle fut premièrement habitée.

On peult respondre a ceste question que les François desirans lexercice des armes

ont prins seulement plaisir audit art militaire, et ne se sont occupez a mettre par escript les aduentures et fortunes des royaulmes, citez, et villes. Pareillement des batailles et guerres par eulx faictes et conduictes, comme ont faict les autres nations, et sur tous aultres les Romains, desquelz il estoit plus descripuains que de capitaines et gens de guerre. Pour la première opinion doncques de la fondation de la ville de Paris, Jehan le Maire de Belges en ses Illustrations suyvant Manethon Degypte, dict que du temps que Erictonius regnoit sur les Frigiens, ou Troiens, dominoit au royaulme de Gaulle, Paris filz de Romus dix-huytiesme roy des Gaulloys et François, descendu successiuement de Samothes surnomme Dis, filz de Iaphet, lequel Dis fut premier Saturne et roy de Gaulle. Gelluy Paris (comme recite ledit aucteur) donna premièrement le nom a la noble ville et cite de Paris, laquelle iusques au iourdhuy porte son nom, et fut le premier fondateur et instaurâtes dicelle. Enuiron soixante et dix ans

après la première fondation de Troye par Dardanus, qui est depuis le déluge neut cens ans, deuant que Romulus instaurast et edifiast Romme quatre cens quatre vingtz dixhuyct ans, et auant Lincarnation de nostre seigneur IESUGHRIST quatorze cens dixsept ans. Cest la première construction tresantique de ceste ville de Paris capitalle du royaulme de France, Vniversite destudes, et collège de toutes sciences au iourdhuy plus que mille Rommes, et mille Athènes, en tous arts et facultez florissante et estimée. De laquelle construction iay faict les vers et mètres qui sensuyuent.

Celle cite qui Paris est nommée En diuers lieux et pays renommée Ville de pris et de noblesse antique.

Seiour plaisant et Palais autentique, Siège des Roys, maison très honorée, Premièrement fut faicte et instaurée De par Paris dix et huytiesme Roy Sur les Gaullois régnant en riche arroy Mil quatre cens dix et sept ans quon erre Auant que dieu vint prendre chair en terre.

8 LES ANIIQUITEZ

Lautre opinion est telle. Baptiste Mantuan en vng liure quil a faict des gestes de monseigneur sainct Denys, dit que quant Hercules passa et se transporta au pays Despaigne aux iardins des dames Hesperides filles de Athlas es quelz jardins estoient et croissoient les arbres et pommiers tous chargez et semez de belles pommes dor, lesquelz estoient gardez par ung cruel Dragon que icelluy Hercules vainquit et occit. Gelluy Hercules passa par le royaulme de Gaulle, et arriva en une Isle assise en bel aer sur la riuiere de Seine, ou est de présent la Cite de Paris. Auquel lieu il print si grant plaisir et délectation pour lamenite, sérénité, et fruition de ladicte isle, que il y commença a ediffier et bastir plusieurs maisons et habitations. Puis voulant passer oultre pour parfaire ses entreprinses et conquestes, laissa en ladicte Isle une bende et compaignie de ses gens darmes et vassaulx qui Parrasiens estoient nommez selon le nom de leur pays, qui est en Grèce du coste de Asie Parasia nommée. Iceulx

Parrasiens en ce lieu leur nom délaissèrent, et en mutation de A en I, les habitans de ladicte isle et cite ont este et encores sont dictz et appeliez Parisiens.

Iceulx Parrasiens doncques commencèrent a ediffier en ceste isle soubz bon et prospère horoscope ceste noble cite de Paris, et y perpétuèrent leur nom, en sorte que iusques auiourdhuy elle a este et est encores nommée Paris. De ceste habitation première faicte par les dessusdictz Parrasiens, pour en auoir mémoire, iay faict les vers qui cy après sensuyuent.

Hercules en Gaulle passant Trouua une Isle dedens Seine, Et en ce lieu rafreschissant Ses gens comme bon cappitaine, Dediffier print grosse peine Y laissant les Parrasiens, Qui depuis en gloire haultaine Furent nommez Parisiens.

De ladicte cite de Paris le poète Architenius a faict plusieurs beaulx mettres Latins ainsi que Baptista pius le tesmoigne

en ses Annotations au chapitre soixante troisiesme, quant il dict :

Altéra regia phœbi.

Parisius Cyrrea viris, Crisea metallis.

Grœca libris, Inda studiis, Romana poetis, Attica terra sophis, mundi rosa, balsamus orbis. Sidonis ornatu, sua mensis, et sua potu. Diues agris, fœcunda mero, mansueta colonis. Messe ferax, inoperta rubis, nemorosa racemis. Plena feris, piscosa lacu, volucrosa fluentis. Munda domo, fortis domino, pia regibus, aethra Dulcis, amœna situ, bona quselibet, omne venus-

[tum.

Omne bonum, si sola bonis fortuna faueret.

Lesquelz vers Latins iay translatez en rithme Françoise, comme sensuyt.

Paris pour vray est la maison Royale Du dieu Phœbus en splendeur radiale.

Cest Cyrrhea pleine de bons espritz, Tresuigoureux, faisans diuers escriptz.

Cest Chrysea en metaulx habondante, Grèce de pris en liures florissante.

Inde en estude, et en Poètes Romme, Athènes lors en maint tressauant homme.

Rozier mondain, baulme du firmament

Universel, de Sidon lornement.

Très habondante en vivres et breuuaiges,

Riche en beaulx champs et fluuieulx riuaiges,

Fecunde en vin, doulce en ses Citoyens,

Fertille en ble et en maintz aultres biens,

Vuyde en buyssons et de haultz bois peuplée,

Vignes y sont et la treille accouplée.

Cest la forest pleine de venaison,

Lac a poisson en tout temps et saison.

Du fleuve doulx de Seine toute enceincte,

En son manoir tresnette, pure et saincte,

Forte au seigneur, a ses roys amyable,

Doulce en son aer, dassiette délectable.

Bref en Paris est toute honnestete.

Tout bien y sourt tant yuer comme este.

Si sa faveur luy octroie fortune,

En tous ses biens sans luy estre importune.

L autre opinion comment la ville de Paris fut nommée. Aulcuns dient que près dicelle ou lieu quon dit sainct Germain des Prez estoit ung temple dédie à une Idole de la déesse ysis laquelle selon Jehan le Maire fut royne Degypte, et femme du grant Osiris surnomme Jupiter le juste, et dit que la statue dicelle est veue audit lieu de sainct Germain des Prez, laquelle

chose est vraye, car plusieurs de nostre temps lont veue, et estoit la statue fort grande, laquelle vulgairement estoit appellee lidole sainct Germain et depuis peu de temps elle a este ostee et mussee. Et dient iceulx que a cause que ladicte cite estoit si prochaine dudict temple quelle fut nommée Paris, quasi juxta y sis (qui est a dire jouxte et près de la déesse y sis). Les autres ont dit que ladicte déesse estoit veneree a Meleun qui a ceste cause estoit nommée yseos, et pource que la dicte cite de Paris est quasi semblable a celle cite de Melun, tant a lassiete de la cite entre deux eaues comme de la ville, quelle fut a ceste cause appellee Paris, quasi par Isis, cest a dire pareille a celle cite Diseos, qui depuis fut Melun appellee, quasi mille et ung, pource quil y avoit ia mille et ung an quelle auoit este premièrement fondée quant le nom luy fut donne. Iseos est en France située du nom Disis, qui de nom fut muee des ans après son bastiment mille ung. Et pour cela on lappelle Melun.

a dernière opinion et la plus certaine

Tous les Historiens saccordent que pour liniure perpétrée par Paris Alexandre fllz du Roy Priam de Troye, en ravissant la belle Hélène femme de Menelaus roy de Lacedemone, tous les princes et roys de Grèce sassemblerent devant Troye, et tindrent le siège dix ans tant que a la fin elle fut par eulx prinse et reduicte en cendre, et fut le roy Priam occis après tous ses enfans. Maistre Hugues de sainct Victor et celluy qui fîst les croniques de France, et la division du monde qui sappelle In exordio rerum, racomptent de la naissance des François en ceste manière, et dient que Francion filz de Hector de Troye, et Turcus qui fut filz de Troilus, filz du grant roy Priam, après la destruction dicelle ville sen fuyrent et eschapperent auecques grande multitude de nefz et de gens darmes, et se divisèrent en deux parties, dont les ungz suyuirent Francion, et les aultres Turcus.

Turcus vint en Scythe, et y print son

toutes, est telle comme sensuyt.

habitation, et de luy sont les Turcz descendiez. Et Francion arriva en Hongrie, ou Pannonie la basse, et y ediffia une Cite de grant pris nommée Sicambre du coste des paluz ou marestz meothides que remplit le fleuve Tanais, et fut au temps que Dauid regnoiten Israël. Quant les Troyens eurent demoure long temps en ceste cite, pource que leur peuple tous jours croissoit et multiplioit en sorte que leur terre nestoit assez grande pour y habiter, deux cens trente ans après la fondation de ladicte cite de Sicambre, se partirent de la enuiron vingt et deux mille hommes soubz la conduicte dung duc Troyen nomme ybros pour quérir lieu convenable ou ilz peussent habiter. Et passèrent la Germanie et le fleuve du Rhin, et entrèrent en Gaulle, tant quilz vindrent jusques sur la rivière de Seine, et adviserent le lieu ou de présent est situe la ville de Paris. Et pource quilz le veirent gras, habondant, délectable, plantureux, et bien assis pour y habiter. Semblablement que lisle estoit assise en très bel et doulx aer. Hz y fondèrent et

ediffierent une cite, laquelle ilz appellerait Luthesse, a luto, cest a dire boue ou gresse de terre, pource que ladicte isle estoit remplie de toute fertilité. Celle cite fut ediffiee au temps de Amasie roy de Juda, et de Hieroboam roy de Israël VIII cens et XXX ans avant lincarnation de nostre seigneur IESUCHRIST. Deslors sappellerent Parisiens pour lhonneur et recordation de Paris filz de Priam roy de Troye, ou par ce terme Parisia en grec qui vault autant a dire comme hardiesse en latin. A quoy saccorde Guillelmus Armoritanus en sa cronique quil fist de Philippes le Hardi, roy de France, laquelle cronique est appellee Philippica, ou il dict ainsi par ung mètre,

Et se Parisios dixerunt nomine Franci : Quod sonat audaces?

Qui est à dire :

Parisiens ces François se nommèrent.

Et par ce nom trespreux ilz sestimerent.

l6 LKS ANTIQUITEZ

Deslors aussi ediffierent a lentour de Paris plusieurs villes quilz nommèrent de ce nom Parisi, comme Ruel en Parisi, qui fut chasteau royal, et chef de Chastellenie , Gormeilles , Louures , Villeroy, Roissy : qui toutes furent nommées en Parisi. Et encores en retiennent le nom iusques au iourdhuy. Et quant leurs villes furent parfaictes et acomplies, ilz vesquirent franchement faisans leurs labeurs, mestiers, et marchandises plus de huyt cens ans, elisans tous les ans saiges hommes et prudens pour leurs conseillers, ducz, et gouverneurs de leur chose publique, lesquelz nauoient seulement que obéissance et nom de ducz. Et après aucun temps que Romme commença a florir et resplendir en puissance, ilz furent subiectz aux Rommains a payer chascun an certain tribut, et ainsi longtemps demourerent. Et portoient lesdictz Parisiens leurs enseignes de gueulles a ung pal dor qui avoit este le blason des armes de Paris de Troye, ainsi que recite maistre Nicole Gilles en ces Annalles de France.

Deux cens trente ans après que les Troyens Eurent basty les murs Sicambriens Desoubz ybros en nombre se partirent, Vingt et deux mil qui vers les Gaulles tirent Et vindrent lors sur le fleuve de Seine A gros travail et angoisseuse peine, Dedens une Isle une cite fondèrent Ou en tout bien et richesse habonderent : Ceste cite Luthesse fut nommée Cite de pris, dhonneur et renommée, Et des ce temps adonc ilz se nommèrent Parisiens : et leurs armes portèrent Comme Paris en champ de gueulles faictes Et ung pal dor pour leurs armes parfaictes Ediffians plusieurs petites villes Sans estre adonc a nulz seigneurs seruilles.

Apres avoir recite les opinions touchant la fondation de la cite de Paris, reste a parler de son eslargissement, et comment elle fut depuis habitée et amplifiée. Et pour demonstrer plus clerement son antiquité, on la peult prouuer par le tesmoignaige de Julius Gesar au liure quil a faict de ses conquestes et batailles de Gaulle, ouquel liure est faicte mention que quant ledict Julius César vint pour con-

l8 LES ANTIQUITEZ

quester ce pays de France comme empereur des Rommains, la cite de Paris estoit lors habitée de gens grans et puissans, qui Parisiens sappelloient et tenoient le lieu ou de présent est la cite, laquelle estoit si forte pour lors, et estoit tellement fermée deaue, que luy mesme tesmoigne que Ion ny pouoit passer.

Or advint comme Labienus lieutenant de César faisoit siège devant ladicte cite (lequel siège fut le premier comme il est a présumer) et que lesdictz Parisiens sestoient retraictz en la cite avecques leur capitaine nomme Camulogenus. Ledict Labienus voyant quil se parforcoit en vain a cause des marestz qui luy nuysoient dung coste, et que de lautre part les Parisiens gardoient contre luy le passage, il sadvisa de prendre Melun et le print. Et par ce fut seigneur de la rivière, et pouoit venir assaillir de quelque part quil vouloit, dont les Parisiens furent fort marriz. Lors Camulogenus commanda rompre lespontz de Paris et brusler la cite, ce que fut faict : et se vint parquer vers Charenton vis a vis

DE PARIS. ig

des tentes de Labienus, qui de lautre part de leau estoit : lequel voyant quil ne pouoit riens faire, la nuyct prochaine fit semblant de fuir, et se retira passant la riuiere en trois lieux en faisant grant bruict, de laquelle chose adverti Gamulogenus donna couraige aux Parisiens faisant de leur ost trois parties et poursuyvirent ledict Labienus, lequel par ses embusches les enclouit et desconfit avecques leur capitaine Camulogenus, qui en ceste rencontre fut occis. Et les fit tributaires des Rommains. Toutes fois nentra il point dedens Paris a force, mais par subtilité et cautelle : car oncques homme ne la print ny entra dedens par forces. Ainsi fut la cite de Paris premièrement assiégée et prinse, comme plus a plein est recite au septiesme livre desdictz commentaires Gesar des batailles de Gaulle.

Deuant Paris donna maintz bons alarmes Labienus avec ses preux gensdarmes Et lassiega, mais puis par sa finesse Se retira, parquoy ceulx de Luthesse Virilement icelluy poursuyuirent.

Lors les Rom mains les Gaullois desconfîrcnt, Et dessus eulx tourna ladversite Dont par César fut prinse leur cite.

Pour comfermer ce qui est dict, il est escript au sixiesme livre desdictz commentaires que Julius César mist et transporta son conseil en la cite de Luthesse, qui est Paris, et que les Parisiens estoient voisins de ceulx de Sens, lesquelles deux citez dantiquite auoient tousjours este alliées ensemble, en sorte que les ungz donnoient secours aux aultres. Encores dict il au septiesme livre que Luthesse estoit assise en une isle au meillieu du fleuve de Seine en la Gaulle Celtique et prouince de Sens, prochaine des villes de Beauuais, de Prouins, et de Melun, de long temps construicte par ceulx de ladicte cite nommez Parisiens, lesquelz contre ledict César sallierent tousjours de ceulx de Chartres et de Sens. Parquoy il appert que Paris est de tresgrande antiquité, et ce contrarie a aulcuns qui contre vérité dient que Paris fut ediffiee par les Fran-

cois après quilz eurent este dechassez par lempereur Valentinian de leur cite de Sicambre, ce qui est faulx, veu que César en faict mention en ses conquestes, lequel précéda ledict Valentinian plus de quatre cens ans. Il est bien vray que les Troyens après quilz eurent laisse Sicambre par leffort que leur fit ledict Valentinian, ilz sespan dirent par la Germanie sur le fleuve du Rhin, contre lesquelz l'empereur Theodosius enuoya grande compaignie de Rommains, lesquelz furent par lesdicts Sicambriens desconfitz, et après ladicte desconfiture, une bende desdictz Sicambriens auec leur duc nomme ybros, passèrent en Gaulle, et arriuerent en la cite de Luthesse quilz embellirent moult et la fortifièrent unze centz cinquante huyct ans après sa fondation. Et pource que ilz congneurent quilz estoient descenduz dune mesme nation, ilz habitèrent ensemble soubz ung mesme duc, cest assavoir le dessusdict ybros, lequel commença a seigneurier sur eulx comme duc. Lan de grâce trois cens vingt huyct, et régna dix ans.

Retournant a nostre premier propos des gestes de Gesar en Paris. Apres queicelluy César fut jouyssantde la cite, il fit édifier près icelle le Palais des termes qui est au lieu quon dict maintenant lhotel de Clugny, près les Mathurins. Et fut ainsi appelle, pource que la se payoit le tribut aux termes qui estoient ordonnez. Et adonc le peuple commença a édifier maisons entour celluy chasteau, et eulx y loger : et commença lors celle partie a estre habitée premièrement, et depuis long temps ne fut habitée lautre partie de devers sainct Denys, laquelle partie auiourdhuy est la plus grande. Et pour lors y estoient grans boys et forestz ou se faisoient moult dhomicides. Le marche des bestes estoit par deca la ou est a présent la rue aux Bordonnois au lieu que Ion dit le siège aux deschargeurs, et encores ce lieu est appelle la vieille place aux pourceaulx. Et a la croix du tirouer on trioit les bestes, et pource a proprement parler est appellee la croix du trioir pour les bestes que Ton y trioit. Combien que au-

cuns dient quelle fut ainsi nommée pour une royne de France nommée Brunechilde qui en ce lieu fut tirée a quatre chevaulx pour les crimes par elle commis en la personne de plusieurs roys et princes de France. Au carrefour guillory estoit le pillory ou Ion couppoit les oreilles, et pour ce a proprement parler, cest le carrefour guigneoreille. Et la boucherie estoit ou elle est a présent hors la Cite, et prochaine de la porte, laquelle iusques au jourdhuy est appellee la porte de Paris. Et aussi esse la première porte et closture de Paris, et deslors fut édifiée jouxte celle porte aulculne forteresse pour deffence de la cite au lieu ou est de présent le grand Ghastellet ou les Prevostz de Paris dantiquite tienent leur iurisdiction royalle. Depuis fut habitée et fermée Paris jusques au lieu que Ion dit larchet sainct Marry, et alloit on de ceste porte tout droit a la riuiere au lieu que Ion dit les planches de mybray, et la avoit ung pont de fust qui s'adressoit a sainct Denys de la Ghartre, et la tout droict parmy la cite sadressoit a lautre

pont que Ion dit petit Pont. Et estoit ce lieu a proprement parler dit les planches demy bras. Car cestoit la moitié du bras de Seine. Apres fut faict le cymetiere des Innocens hors la ville, comme on faisoit anciennement : près lequel cymetiere on commença a faire le marche, et fut nomme champeaux, pource que cestoient tous champs, puis furent faictes les Halles pour vendre comme il sera dict cy après. Ainsi creut la ville jusques a la porte sainct Denys, et fut abbatue la vieille muraille et encores voit on les premières portes quon appelle faulces portes, desquelles celle de la rue sainct Martin a este depuis peu de temps abbatue.

Encores est il assauoir que au temps que Julius Gesar vint a Paris elle estoit gouvernée par certaines gens qui sappelloientDruydes, comme recite ledict Gesar, ces Druydes estoient les principaulx, et avoient le gouvernement du temporel et spirituel. Hz estoient quictes de tous tributz, empruntz, ostz, chevauchées, et aultres servitudes. Hz ne souffroient que les

enfans vinsent deuant leurs pères jusques a ce quilz peussent armes porter. Hz estoient merueilleusement enclins a la religion de leurs dieux, et a leurs sacrifices, entre lesquelz ils adoroient souuerainement Mercure, Apollo, Mars et Iupiter.

Hz sacrifioient a leurs dieux hommes vifz et eulx mesmes se y vouoient. Le principal de leurs temples estoit la ou est Montmartre qui lors estoit nomme le mont Mercure pource que son temple y estoit. Le second estoit oultre Pontoise consacre a Apollo au lieu nomme court dimenche, quon dit a présent la mer Dautie : et le tiers estoit le temple Jupiter au lieu dit Montiaoust.

Depuis la conqueste de Julius Gesar les Parisiens furent tousjoursen la subjection des Rommains et tout le pays de Gaulle. Apres la mort dudict Gesar furent douze empereurs lung après lautre, et fut Domitian le XII qui fut fllz de Vaspasian et frère de Titus, lequel régna environ Lan de nostre seigneur quatre vingtz et trois. Durant son règne fut enuoye sainct Denys

en France par le pape Clément : sainct Denys vint a Paris prescher le peuple et apporta le premier la foy en France, et a cause de la nouvelle loy quil preschoit, par le commandement du dict Domitian fut prins des Rommains et après mainctz tourmens a luy faictz Denys en une chartre en la cite ou de présent ya une esglise et prieure de moynes quon appelle de présent sainct Denys de la chartre. Puis fut mené pour sacrifier a la montaigne de Mercure au temple de ladicte ydolle, et pour ce que luy ne ses compaignons ne vouloient sacrifier, furent ramenez jusques ou lieu ou est leur chapelle et la furent décollez et pour ceste cause ce mont qui avoit nom le mont de Mercure fut appelle le mont des Martirs et encores est. Ce mon seigneur sainct Denys fonda a Paris trois esglises. La première de la trinite, la ou est de présent sainct Benoist, et y mist moynes. La deuxiesme sainct Estienne des Grecz ou il chantoit souvent. La troisiesme ce fust nostre dame des champs ou il demouroit, et y fut prins.

Dedens Paris fît trois beaulx édifices.

Sainct Denys lors a servir dieu propices Cest sainct Benoist et aussi sainct Estienne Nomme des Grecz, affin quil en souvienne. Lautre si est, nostre dame des champs Ou presentoit a dieu ses devotz chantz.

es Parisiens vescurent ainsi quil est

JL/ dict soubz le gouuernement des Rommains , pendant lequel temps ybros cappitaine des Sicambriens durant le règne de lempereur Vallentiniam arriua a Paris et en fut esleu duc et gouuerneur lan de grâce trois cens vingthuit comme jay dit, et depuis a Paris nadvint chose de mémoire jusques au temps de lempereur Léon quon comptoit lan GGGGLXIIII.

auquel temps Artus roy de la grant Bretaigne descendit en Gaulle, ou il fit de grans dommaiges : et en estoit le gouverneur ung tribun de Romme nomme Flollo pour lempereur Léon. Flollo aduerty de la descente de Artus le voulut combatre, mais voyant que le dangier estoit grant pour luy, se retira a Paris quil fortifia et

28 LES ANTJQUITEZ

fut incontinent assiégée par Artus, auquel Flollo manda quil le vouloit combatre corps a corps, et que le vaincu quiteroit au vainqueur tout le pays de Gaulle, ce que le roy Artus accorda et fut le combat délègue en lisle de Paris dicte lisle Nostre dame. Flollo se floit moult en sa force. Et après que les pleiges furent baillez des deux parties, ilz conuindrent au lieu dessusdict, ou fut leur premier combat a la lance. Puis combatirent a la hache. Mais Flollo attaignit si durement Artus au front quil lestonna fort et descouroit le sang sur ses yeulx. Artus invoca lors la vierge Marie, laquelle sapparut devant tous, et le couurit de lenvers de son manteau qui sembloit estre fourre Dhermines, de laquelle vision Flollo fut tresesbahy, et perdit la veue. Artus qui la vision nauoit veue, sesuertua et courut sus a Flollo, lequel il occit. Et depuis Artus aduertyde la vision print pour ses armes les hermines, que ont porte et portent encores les roy s et princes de Bretaigne.

Apre» que Artus eut la victoire il entra

dedens Paris en grant triumphe et fît ediffier une chappelle en lhonneur de la vierge Marie au lieu ou auoit este leur combat. Et est le lieu auquel est a présent la grant église cathédrale de nostre dame de Paris, ainsi quil est amplement recite es grandes Cronicques de Bretaigne.

Le roy Artus après quil eut victoire Contre Flollo, par la vierge Marie, De par luy fut pour en auoyr mémoire, Une chappelle audict lieu establie Dedens Paris, et est sans menterie Le propre lieu plain de renom et famé Ou présent est leglise nostre Dame.

Aucunes cronicques nomment celluy Flollo Gillon, lequel Gillon gouuerna le royaulme de France en labsence de Cbilderic après que les Francoys pour sa lubricité leurent banny du royaulme, et combatirent celluy Gillon et Artus ensemble devant Paris, qui se pourroit bien accorder pource que ledict Artus descendit en Gaulle du temps de lempereur Léon en lan CCCGLXIIII ou quel temps les

Francoys avoient desja roys en France, veu que tous les historiens saccordent ensemble que Pharamond premier roy de France fut esleu lan CCCCXIX et régna six ans. Puis Clodio et Merouee, et après ledict Childeric, qui régna environ lan quatre centz soixante huyt, qui nest gueres de distance a la première dacte.

Or environ ce temps soit deuant ou après, pource que les historiens en cest endroit se discordent, Marchomires duc de France Orientalle descendu de lancienne tige et lignée de Francion filz Dhector de Troye laissa la Germanie et entra en Gaulle, long temps après la mort du duc ybros dessusnomme. Et pource quil scavoit moult du faict des armes les Francoys le firent leur duc et les gouuerna comme duc trente ans, et leur enseigna lusaige des armes. Ce fut celluy qui premier mua le nom du royaulme de Gaulle en France pour lamour de Francion dont il estoit descendu, et mua le nom de Luthesse a Paris, pour lamour de Paris filz du roy Priam de Troye.

Et y auoit ia environ douze centz ans que ladicte cite de Luthesse auoit este ediffiee, mais a cause de ceste mutation et translation des noms de Gaulle et de Luthesse qui furent transmuez en France et Paris, on dict communément que cest le commencement desdictz France et Paris. Et en cecy appert que elle fut premièrement appellee Paris, puis fut nommée Luthesse. Et de rechief elle a este et est encores Paris appellee.

Marchomires fit transmutation Du nom de Gaulle, et le fit nommer France. Luthesse aussi pleine de grand puissance Nomma Paris sans nulle fiction.

Apres la mort dudict Marchomires son filz Pharamond fut esleu roy par les Francoys, et fut le premier roy de France. Apres luy régna Glodio son filz surnomme le Cheuelu, qui transporta le royaulme doultre le Rhin en Gaulle. Devers luy vindrent les Parisiens en nombre vingt et trois mille hommes de guerre, et a leur

32 LES ANT1QUITEZ

ayde desconfit grand nombre de Rommains qui tenoient le pais en leur obéissance. Lesdictz Parisiens auoient tousjours vescu soubz la dition des Rommains, en leur paiant tribut depuis que Jules Gesar les auoit subjuguez, mais depuis la venue dudict Glodio en France il les mit en liberté et franchise, et furent deslors en lobeissance des roys de France. Clodio mort régna Merouee, et après luy Childeric, auquel succéda Clouis premier roy chrestien. Geluy Clouis mist son siège a Paris, et lestablit ville capitalle de son royaulme. Et fit faire hors les murs dicelle a lhonneur de sainct Pierre et sainct Pol une église qui de présent est appellee saincte Geneviefve au mont de Paris, qui lors fut nomme le mont sainct Pierre. Et lors commença la ville acroistre de ce coste la. Ledict Clouis fut enterre après sa mort en ladicte église, et aussy fut saincte Geneuiefve, au nom de laquelle leglise a este depuis dediee.

Le roy Clouis dhonneur divin semont Ediffia a Paris sur ung mont

Leglise lors de saincte Geneuiefue

Ou il fut mis après sa vie briefue

Et fut construicte en lan cinq centz et dix.

Priez a dieu quil luy doint paradis.

^\ uant le roy Clouis fut trespasse, ses

V^quatre filz partirent le royaulme en quatre. Clotaire fut roy de Soissons, Childebert fut roy de Paris. Clodomires fut roy Dorleans. Et Theodoric fut roy de Metz. Et notez que les aultres roys ne sont point mis au nombre des roys de France, sinon ceulx qui ont tins leur siège a Paris. Celuy Childebert roy de Paris ou de France fonda hors des murs de Paris par le conseil sainct Germain lors euesque de ladicte cite une abbaye a lhonneur de sainct Vincent, laquelle de présent est appelle sainct Germain des Prez a cause de monseigneur sainct Germain euesque de Paris qui y fut enterre, et y donna ledict roy la tunique sainct Vincent quil apporta Despaigne, et aultres relicaires. Semblablement fonda leglise saint Germain Lauxerroys et fut environ lan cinq cens qua-

rante deux, et gislf ledict roy en ladicte esglise de sainct Germain des Prez.

Childebert a Paris fît faire De sainct Germain des prez leglise, Et sainct Germain par bonne guise Dit Lauxerroys fit il parfaire.

Depuis ce temps jusques au temps du roy Charlemaigne ne fut faict a Paris chose digne de mémoire, sinon que les roys qui en France régnèrent se tenoient ordinairement a Paris et se monstroient tous les ans une fois le premier jour du moys de May au peuple dicelle ville en leur donnant plusieurs riches dons, et cela faict rentroient en leur palais sans plus estre veuz.

Au temps dudict Charlemaigne vindrent Dhirlande deux moynes qui estoient Descosse lesquelz par le pais de France crioient et preschoient quilz avoient science a vendre. Ce qui vint a la congnoissance de Lempereur lequel congnoissant la grant science qui estoit en eulx et

quilz queroient lieu convenable pour enseigner et instruire en toutes sciences.

Ledict Charlemaigne commanda a lung deux nomme Clément quil se tint a Paris et luy fist bailler les enfans de tous estatz, et fist faire lieu et escolles convenables pour estudier, commandant quon leur administrast tout ce quil leur seroit besoing. De la vint la première institution du corps dé Luniuersite de Paris. Et lors avoit en Angleterre ung grant clerc théologien et plysophe nomme Alcuynus lequel sachant que Charlemaigne recueilloit les grans clercz et saiges hommes, passa en France et vint devers lempereur qui le receut honorablement, a la requeste duquel ledict Charlemaigne translata Luniuersite qui estoit a Romme, et laquelle paravant y avoit este translatée Dathenes, et la fit venir a Paris. Et furent fondateurs dudict estude et uniuersite quatre grans clercz qui avoient este disciples de Bede, nommez. Cestassauoir ledict Alcuynus, Rabanus, Claudius, et Ioannes Scotus : tellement que la vraye source et fontaine de

science y a tousiours depuis este. Celluy Charlemaigne fit edifiier leglise sainct laques entre Paris et Montmartre, laquelle est de présent enclose dedens Paris, et sapelle sainct lacques de Lhospital.

Dedens Paris la royalle cite Charles le grant fit Luniuersite Instituer par quatre grans docteurs :

Qui dessoubz luy en furent fondateurs.

Aussi fit il sainct lacques renomme De Lhospital, ainsi dict et nomme.

Aucuns dient que Régnant ledict Charlemaigne Paris fut assiégée par ung géant nomme ysoire, contre lequel enuoya lempereur plusieurs de ses barons qui par celluy géant furent desconfictz. Finalement ysoire fut vaincu et occis par ung chevallier appelle Guillaume au court nez, et délivra la ville de la persécution dicelluy géant, et estoit celluy chevallier du lignaige du noble Guerin de Mont glave.

Apres la mort de Charlemaigne succéda a la couronne Loys le débonnaire son

fllz. Apres lequel fut roy Charles le Chauue lequel translata lindition que Charlemaigne auoit estably a Aix en Allemaigne, et le fit venir près Paris qui fut appelle comme encores est le Lendit et en donna le prouffit a Labbaye et monastère de sainct Denys en France.

T an huit cens quatre vingtz et cinq,

nepveu du roy Charles le Chauve et fut faict roy après la mort de Loys et Karloman enfans de Loys le Bègue. Durant son règne les Dannois, Normans, Sarrazins entrèrent en France et vindrent jusques deuant Paris et lassiegerent auecques bien quarante mille hommes. Mais Gosselin qui lors estoit euesque de la cite de Paris, Labbede sainct Germain des prez, et Eude conte de Paris qui après fut roy de France la deffendirent et gardèrent si bien par les mérites de nostre Dame, et des benoistz corps saincte Geneuiefue, sainct Germain et sainct Marcel, quilz ne la peurent prendre

France Charles empereur

et se départirent. Mais auant leur département ilz bruslerent et destruysirent les esglises et monastères de sainct Germain des prez et saincte Geneuiefve qui estoient hors de Paris, dont les corps sainctz auoient este retirez en la cite. Et desdictz Normans nen eschappa ung seul qui fut grant grâce de Dieu.

En ce temps comme il apert la ville de Paris et les enuirons estoit une conte de grant estime et noble seigneurie et estoient les contes de Paris tresprochains des roys comme celluy Eude lequel après le deces de Charles dessusdict fut faict roy de France. Apres luy fut conte de Paris Hue le grant filz de Robert duc Dacquitaine frère dudict Eude. Cestuy Hue le grant eut ung filz comme luy nomme, cestassavoir Hue Gapet, lequel fut grand conte de Paris, et après roy de France : par quoy on peult croire que les contes de Paris estoient de tresgrande noblesse quant ilz ataignoient iusques au royal tiltre de la couronne de France.

Cestuy Eude roy de France chassa les

Dannoys Normans qui estoient de rechief venus devant Paris, et lavoient assiège, et par la bonne conduicte quil y mist, ilz sen allèrent sans rien faire.

Lan neuf cens septante et huyt, Régnant en France Lothaire troisiesme de ce nom. Othon empereur Dalmaigne pour quelque querelle quil eust avecques ledict Lothaire amena une grant armée en France ou il mit plusieurs villes a feu et a sang, et vint iusques deuant Paris, et brusla les faulbourgz. Et deuant la porte fut occis ung sien nepueu et moult de ses gens. Ledict roy Lothaire, Hue Gappet conte de Paris, et Henry duc de Bourgongne, frères enfans de Hue le grant saillirent de la ville auecques leur armée et coururent sus audict Othon, lequel ilz desconfirent et chassèrent jusques a Soissons.

De rechief durant le règne dudict roy Lothaire fut la ville de Paris assiégée par ung prince Dannoys Huastendanus nomme, lequel après auoir par lespace de trois ans afflige les Gaulles, speciallement es parties maritimes, se vint parquer et mit

son siège deuant Paris, accompaigne de quinze mille hommes Dannoys, entre lesquelz estoit ung géant monstre en nature appelle Betelgulphus, puissant de corps et de force merueilleuse : horrible estoit a regarder, pour le signe quil monstroit de grant cruaulte. Le siège assis ainsy que dict est, Gelluy Géant chascun iour venoit deuant Paris prouoquer et deffier les cheualliers Francoys pour leur liurer le combat corps contre corps. Or estoit le roy Lothaire a Paris accompaigne de ses princes et gentilz hommes, en labsence desquelz Geoffroy lors conte Daniou qui a Paris venoit au mandement du roy, ouyt nouvelles dudict Géant qui ainsy la ville affligeoit, lequel il délibéra combatre et le vaincre. Passant doncques la riuiere de Seine vint au lieu ou ledict géant estoit, et estant a cheval monte, avecques deffiance lassaillit, et dung coup de lance griefvement le naura et getta par terre. Le géant se cuydant relever fut de rechief par le conte Geoffroy durement repousse, et cheut tout estendu pour sa pesanteur, au-

quel pour fin de ses mentes, luy trencha la teste qui fut au roy de France présentée, qui grosse joye en démena, et les Dannoys marris et troubles de leur Géant occis, leuerent leur siège de deuant Paris, et bruslerent Montmorency, que parauant auoient fortifie : finablement parquez au val de Soissons, furent deffais et occis par le roy et les princes de France, acompaigne de la noblesse et populaire de Paris.

Betelgulphus puissant oultre nature Géant Dannoys, et de haulte stature Apres auoir prouoque au combat Plusieurs Francoys, par ung mortel débat Sur luy tourna la dure adversité Deuant Paris la royalle cite, Car ung Geoffroy conte Daniou honneste Loccit adonc, et luy trencha la teste.

Apres le trespas dudict Lothaire, régna son filz Loys quatriesme du nom, après la mort du quel Hue Gappet conte de Paris occupa le royaulme et se fit roy de France. Gestuy Hue Gappet lan neuf

centz quatre vingtz et quinze fonda labbaye sainct Magloire a Paris. Aucuns dient quelle fut translatée et transportée de la cite ou elle estoit au lieu ou est de présent, et que ce estoient tous champs pour lors, et qui soit vray : on treuue en la dacte daucunes lettres royaulx qui en ce temps furent faictes, donne en nostre église sainct Magloire les champeaulx, près Paris, et au lieu ou elle estoit premièrement est de présent leglise sainct Barthélémy. Et pource que ledict Hue Cappet la transporta ou elle est de présent, on lapelle le fondateur dicelle.

Hue Cappet si fit bastir

Une église en lhonneur et gloire

De dieu, et monsieur sainct Magloire

A Paris sans point en mentir.

Apres Hue Cappet régna son filz Robert, roy vertueux et plain de toutes bonnes meurs et conditions. Cestuy Robert fonda leglise sainct Nicolas des champs les son Palais, près Paris. Et estoit sondict

Palais au lieu ou est de présent le monastère et closture sainct Martin des Champs, hors la ville. Il fonda aussy leglise nostre Dame des champs, près Paris, au lieu ou paravant avoit ja edime une église monseigneur sainct Denys comme jay dict. Il fit aussy ediffier plusieurs autres églises en son royaulme.

Le roy Robert fit la construction

Sainct Nicolas, par sa deuotion

Dehors Paris aussy fit nostre Dame

Dicte des champs, ou quel lieu plain de famé

Et bon renom sainct Denys tresparfaict

Avoit jadis ung petit temple faict.

Henry roy de France, filz dudict Robert. En lan de grâce mil soyxante et sept, fonda leglise sainct Martin des Champs au lieu qui estoit lors son Pallais hors les murs de Paris, et y mit chanoines pour Dieu prier.

En celluy temps la cite de Paris fut arse. Et la rivière de Seine fut excessivement grande, et demoura ainsy par lespace de sept ans.

Le roy Henry pour bien a Dieu complaire, Hors de Paris honnestement fit faire Église et lieu sainct Martin ou estoit Le sien pallais, et illec assistoit.

Apres celluy Henry, succéda son filz Philippe premier de ce nom, au temps duquel regnoit Gille le bastard roy Dangleterre et duc de Normendie, lequel fut fondateur de leglise du sainct Sepulchre a Paris, comme il appert en son epitaphe a Gaen.

Loys le Gros roy de France en recongnoissance de la victoire quil auoit obtenue contre aucuns seigneurs de France qui auoient conspire trahison contre luy, en lhonneur de monseigneur sainct Victor, auquel il avoit singulière deuotion, fonda et fit edimer leglise et abbaye de sainct Victor les Paris, et y mit religieux de lordre sainct Augustin.

Loys le Gros, hardy comme ung Hector, Près de Paris fonda ung monastère Ou moynes mit viuans de vie austère, Et la nomma leglise sainct Victor.

près Loys le Gros, régna son filz Loys

l \ septiesme dict le Piteux, au temps duquel lan mil cent soixante fut faict ung ordre appelle lordre des Guillemins, a cause de sainct Guillaume conte de Poitou, dont le monastère des Blancs mantaulx fut des premiers.

Apres ledict Loys le Gros régna Philippe Auguste dict le Conquérant. Gestuy Philippe acreust grandement son royaulme et fit plusieurs haultz faictz dignes de mémoire. Il acheta ung marche que les malades de sainct Ladre auoient droict de faire tenir hors Paris lespace de quinze iours, et le fist venir dans la ville au lieu quon appelle champeaux près leglise sainct Innocent, et affin que les marchans peussent tenir leurs marchandises a couuert et en seurete. Il fist bastir les Halles, et est encores appelle ledict marche la foire sainct Ladre. Il fist aussi clore le cymetiere sainct Innocent, dont le lieu et celluy ou sont lesdictes Halles estoient lors vuydes et vagues. Semblablement en celluy temps quon disoit Lan mil quatre

vingtz et deux il fist clore le parc du boys de Vincennes de belle et haulte muralle de durée telle quon voit encores a lœil. Lan mil quatre vingtz et quatre voiant ledict roy que la ville de Paris estoit si orde et si boueuse paracheua ce que ses prédécesseurs auoient enconmence, car ilz auoient change le nom de Lutesse en Paris, mais ilz nauoient pas oste leffect si manda les Prevostz et Bourgeoys de ladicte ville et commanda et ordonna que toutes les rues dicelle feussent pauees de gros carreaulx de gres, et ainsi fut faict.

Pareillement pource que la cite de Paris nestoit point close du coste de petit Pont tyrant au mont saincte Geneviefve, manda venir vers luy les sept personnes ausquelz il avoit baille le gouvernement de ladicte ville et les nomma escheuins. Et leur commanda, ordonna faire clore et fermer la ville de gros murs portaulx et fossez, ce qu'ils firent. Et est ce qui comprent comenceant a lhostel de N elles, tout le circuit de portes sainct Germain des prez, sainct Michel, sainct Iacques, a

retourner a la rivière de Seine iusques au lieu appelle la Tournelle vis a vis des Celestins. Aussi la fit clorre de la closture qui environne sainct Honore, sainct Martin des Champs et sainct Pol. Le grant Chastellet, ou est exercée la iustice de la Preuoste et Viconte de Paris fut par ce roy basty et edime. Semblablement fut par ledict roy edimee la grosse tour du Louure, laquelle modernement a este abbatue en Lan mil cinq cens vingt et neuf, par le commandement du roy Francoys, lequel a esleu en Paris celluy chasteau du Louvre pour sa commune résidence.

Philippe roy, par œuure singulière, Les Halles fit, aussy le cymetiere Sainct Innocent fit il clorre et fermer, Et comme on peult par escript affermer, Le parc du boys de Vincennes nomme Construyt ce roy, qui tant fut renomme. Il fit pauer dedens Paris les rues Qui de beaulte estoient vuydes et nues, Les escheuins créa et establit Et celle ville en vertu ennoblit :

Fermer la fit de maintz gros murs et portes, Puis après fit pour resistence forte

La grosse tour du Louure tresparfaicte Qui a este puis peu de temps deffaicte. Semblablement pour tenir la Iustice Du Chastellet fit faire lediffice.

Durant le règne dudict roy Phelippe estoit Morice euesque de Paris, a la poursuyte duquel fut ediffiee 1 église nostre Dame de Paris de moult sumptueux ouuraige ainsi quon uoit a lœil. De la quelle parauant luy les fondemens auoient este faictz et esleuez jusques au rez de terre au propre lieu ou le Roy Artus auoit fonde une chapelle de nostre Dame comme il est ia dit. Celuy Morice mourut Lan mil cent quatre uingtz et seize.

A la poursuyte de Morice Euesque de Paris parfaict, Tressumptueusement fut faict De nostre Dame lediffice.

/~\ uant ledict Phelippe fut aile de vie a V^trespas succéda a la couronne son filz Loys huytiesme de ce nom, après le-

quel régna son filz sainct Loys neufuiesme de ce nom. Cestuy roy sainct Loys fit et establit plusieurs belles ordonnances touchant le gouuernement et le bien publicque de la ville de Paris, et fonda la saincte Chapelle en son pallais Royal a Paris de moult subtil et magnificque ouurage ainsi quon peult veoir, en laquelle il mist le chappeau et saincte Couronne despines de Iesuchrist que luy donna lempereur de Constantinoble : semblablement une grant partie de lavraye croix, Lespongeetle fer de la Lance dont fut entasme le coste nostre seigneur. Il fonda aussi Lhostel dieu de Paris ou il donna plusieurs grans biens, la maison des quinze vingtz pour nourir et loger trois cens cheualiers quil ramena doultre mer ausquelz les Sarrazins auoient creue les yeulx. Aussi fist édifier les Filles dieu, les blans Manteaulx, saincte Croix en la Bretonnerie, et les Chartreux au lieu de V auuert es faulxbourgz de Paris hors la porte sainct Michel, ensemble les monastère des Carmes, des frères Mineurs, et frères Prescheurs enrichit de Dortouers,

Refectouers, et plusieurs autres ediffices. Marguerite espouse dudict sainct Loys, aux faulxbourgz saint Marceau ediffia le couvent des Nonnains quon appelle les Cordelières sainct Marceau. Dudict sainct Loys, est venue la maison de Bourbon, et en sont les ducz de luy descendus, desquelz le tiers duc nomme Loys fist ediffier a Paris ung très beau logis, quon appelle lhostel de Bourbon. Au temps dudict sainct Loys, florissoit a Paris ung grant docteur en Théologie, nomme maistre Robert de Sorbonne, lequel fonda ung collège a Paris quon appelle a cause de luy, lecolege de Sorbonne, et y mit escoliers, ausquelz il acquist rentes.

Semblablement, en ce temps estoit en la court dudict roy ung noble homme nomme Estienne Hauldri, qui fonda une chappelle qui de son nom fut nommée et appellee, la chappelle des Hauldriettes.

Dedens Paris maintz lieux de grant renom Fit sainct Loys neufîesme de ce nom.

Cest assauoir la royalle chapelle Près le pallais, et les lieux quon appelle

La maison dieu très pitoiable lieu,

Les quinze vingtz, aussy les filles dieu,

Les blancz manteaulx, saincte Croix Bretonniere

Et les Chartreux pour œuvre singulière :

Aussy dota de moult beaulx ediffices

Les Mendians a prier dieu propices.

Philippe troisiesme de ce nom régna après son peresainct Loys, et luy succéda Philippe le Bel son filz, quatriesme du nom. Cestuy Philippe le Bel fit edifiier a Paris de très sumptueux et riche ouuraige le Palais royal, par Enguerant de Marigny chevalier Normant et conte de Longueville, et fut edifrle près le Pallais du roy sainct Loys ainsi quon peult veoir. Pareillement fit faire celluy Enguerrand le gibet de mont faulcon, ou il fut pendu pour ses démérites. Ledict roy se tint a Paris, et y faisoit sa résidence. De son temps fut faicte commotion par le peuple de Paris a cause de la mutation des monnoyes, mais il y en eut daucuns griefvement pugnis. Lan mil deux centz quatre vingtz et seize, fut la riuiere de Seine si grande que toute la cite de Paris en fut

LES ANTIQU1TEZ

couuerte, et la ville circuie de toutes pars, tellement que du coste des portes sainct Anthoine, sainct Martin, et sainct Denys on ny eust sceu entrer sans basteau. Jehanne femme dudict Philippe le Bel fonda le collège de Champaigne, dictde Navarre a Paris, et leur donna plusieurs rentes sur son domaine de Champaigne.

Philippe Bel roy très noble et loyal,

Par Enguerrant seigneur de Longueville,

Ediffia dedens Paris la ville

Moult richement le sien Pallais royal.

T oys dixiesme de ce nom dict Hutin

A-/ fut après son pere roy de France.

Gestuy Loys establit et ordonna que le parlement qui parauant estoit vagant par le royaulme seroit permanent et demourroit a Paris pour mieulx subuenir au affaires et procès de ses subjectz. Lequel parlement constitue et faict de cent Sénateurs et conseilliers, a depuis toujours este en ladicte ville, et y est de présent.

Du temps dicelluy roy fîorissoit a Paris

le prince des poètes francois nomme Iehan de Mehun qui composa le Rommant de la Roze.

Loys Hutin, pour le soulagement De ses subjectz et pour plusieurs perilz Faire éviter, ordonna que en Paris Mise seroit la court de parlement.

Philippe de Valloys fut Roy de France après ledict Loys Hutin et ses deux frères. Et mena très forte guerre aux Flamens qui avoient chasse leur conte contre lesquelz il porta Loriflamme. Quant il fut retourne a Paris il sen alla remercier Dieu et nostre Dame en la grant église nostre Dame en laquelle il entra tout arme et monte a cheual jusques devant le Crucifix, et présenta son cheual et ses armeures a la belle dame, luy attribuant lhonneur de sa victoire. Et en signe de ce est encores sa remembrance tout a cheual en la nef de ladicte église de Paris. Et donna a celle église cent livres de rente perpétuelle quii leur acquist et assigna en Gastinoys. A

celluy succéda le roy Iehan son filz qui fut prisonnier en Angleterre, pendant laquelle prinse le peuple de Paris fit plusieurs commotions et esmeutes pour le gouuernement du royaulme, car aucunes foys estoient pour le regent filz du roy, a lautre foys pour le roy de Nauarre, en sorte quilz se tenoient tousjours de la partie des plus fortz. Apres ledict Iehan fut sacre roy en France son filz Charles le Quint. Durant son règne les Angloys coururent tout le pais de France, et vindrent jusques deuant Paris : desquelz en fut deffaict pour ung coup par les Parisiens environ sept centz. Ledict Charles le Quint fit ediffier a ses propres despens la Bastille sainct Anthoine a Paris, et fut la première pierre assise par Hugues Aubriot provost de Paris. Pareillement fit de neuf les chasteaux du Louure et de sainct Germain en Laye. Il fit aussy ediffier le monastère des Celestins très riche couuent au lieu ou paravant estoit le couuent des Carmes que pour lors on appelloit les Barrez.

Charles le quint donna commencement Et fit de neuf pour Paris tresutille Les deux chasteaulx du Louure et la Bastille Et sainct Germain aussi pareillement.

Charles sixiesme succéda au roy Charles le Quint. De son temps ceulx de Paris firent plusieurs commotions a raison du débat qui estoit entre les ducz de Bourgongne et Dorleans. Et fut la ville prinse par les Bourguignons et liuree aux Angloys qui long temps en jouyrent, et lors fut quasi tout le royaulme de France entre les mains des Angloys. Durant le règne dudict Charles estoit Hugues Aubriot prevost de Paris, par la poursuyte duquel furent faicts et ediffiez plusieurs beaulx et fors ediffices : assavoir est le pont sainct Michel, les murs de devers la Bastille Sainct Antoine, le long de la rivière de Seine. Et aussi le petit Chastellet et petit Pont qui furent faictz de pierre, de la somme de dixhuit mille escus. En quoy furent taxez et condamnez les Iuifz lors demourans a Paris pour les cruautez et molestez

quilz exercoient contre les crestiens. Semblablement environ ce temps le duc de Berry filz du roy Iehan et oncle de Charles sixiesme fît ediffier lhostel de Neelle a Paris près la porte sainct Germain, et aussi une maison de plaisance près Paris quon appelle le chasteau de Vicestre, et donna a leglise nostre Dame de Paris le chef du benoîst apostre monsieur sainct Philippe décore et enrichi de maintes gemmes et pierres précieuses.

Au temps dudict roy Charles sixiesme, aucuns gouverneurs de ses finances pour le prouffit du roy délibérèrent pour mieulx garder lesdictes finances faire ung Cerf dor massif, duquel le patron fut pose et assis en la grant salle du Palais ainsi quon voit de présent. Semblablement en lan mil quatre cens huit la Preuoste des marchans et eschéuinaige de Paris qui paravant auoit este abollie et anichiilce par le Roy, fut de rechief restablie et restitue en son intégrité pour le bon vouloir quil auoit envers les Parisiens, et en fut maistre Iehan Iuuenel premier Preuost, lequel

de paris. by

office a depuis dure jusques cy. Lan mil quatre cens et treze en la grant esglise nostre Dame de Paris fut edifïie le grant et excellent ymage de sainct Ghristofle par aucun cheualier, comme il appert en ladicte esglise.

Durant le temps du roy Charles sixiesme Qui des François porta le diadesme, Furent bastiz Chastellet, petit Pont, Desquelz deulx lung a lautre correspont , Le Pont aussi de sainct Michel assis Sur fondemens de pieulx gros et massifz.

Charles VII trouua le royaulme fort trouble et empesche des Angloys qui tenoient toutes les villes de France en leur obéissance et mesmement la ville de Paris quilz occupèrent jusques en lan mil IIII cens XXXVII, en laquelle année le III jour Davril premier vendredi dapres pasques les Parisiens lassez et ennuyez des Angloys sesleverent contre eulx et en tuèrent plusieurs ou ilz les rencontroient et rendirent la ville aux gens du roy qui dedens entrèrent tant pardessus les murs de ladicte

ville que par la riuiere, en sorte que desdictz Anglois nen demoura aucun dedens ladicte ville quilzne feussent mors ou prins. La porte sainct laques estoit fermée et en auoit les clefz lesuesque de Therouenne angloys lequel auec le seigneur de Vilby capitaine de Paris aussi Angloys se sauuerent en la Bastille, et fut ladicte porte rompue par ceulx de la ville par laquelle entrèrent le Connestable, le bastard Dorleans et leurs compaignies aians les espees traictes, criant sainct Denys. Viue le noble Roy de France, et se logèrent en icelle ville gracieusement sans y faire excès.

Tantost après commencèrent a sonner les cloches de la ville et chantèrent par toutes les églises Te deum laudamus. Et le soir fit Ion feu de joye et grande solennité, et par les carrefours tenoit on table ouverte a tous venans.

Paris ainsi comme Ion scet Fut reduicte en lobeyssance Du Roy qui en eut iouissance Lan mil quatre cens trente sept.

Au roy Charles septiesme succéda son filz Loys unziesme de ce non lequel fit faire la chappelle du Pallais Royal a Paris. Apres luy fut faict roy Charles huytiesme de ce nom.

Au temps duquel fut dressée une religion a Paris des filles perdues que on appelle les Filles Repenties, au lieu de la maison Dorleans qui pour ce faire par le duc Dorleans leur fut donnée. Depuis fut roy Loys duc Dorleans douziesme de ce nom. Au temps duquel le vingt et cinquiesme iour de Octobre, mil quatre centz quatre vlngtz et dixneuf, tomba et cheut le pont nostre Dame a Paris dedens Seine, et soixante maisons qui estoient dessus construites et édifiées quatre vingtz et deux ans après quil eut este construict dont le Prévost des Marchans et Escheuins de ladicte ville furent chargez et condamnez a certaines amendes par ce que ladicte ruine aduint par leur négligence. Depuis le dict Pont a este restaure et construict sur belles arches de pierre et garny de maisons sans comparaison beaucoup

plus belles et ingénieux artifice que les premières qui estoient seulement de boys et piastre, et le pont assis sur poteaulx et pillotiz de boys.

Mil quatre cens quatre vingt dix et neuf Cheut a Paris le Pont de nostre Dame Dont Escheuins receurent grant diffame Depuis on la restaure tout de neuf.

Régnant ledict roy Loys douxiesme fut sumptueusement enrichy et décore dor et dazur le grant parquet de la court de Parlement auecques plusieurs antiques ouurages, ausquelz sont inserez maintz personnages et les armes et devises du roy. Aussi fit faire ledict roy le logis près son palais quon appelle la chambre des Comptes contre le quel sont assises les ymages dudict seigneur et des quatre vertus cardinalles lequel est ung tressingulier et triumphant ediffice.

A celluy Roy succéda le Roy Francoys a présent régnant lequel a faict et donne a ladicte ville plusieurs beaulx preuilleges

DE PARIS. 6l

constitutions et ordonnances pour entretenir les bourgeoys et cytoyens dicelle en liberté et franchise. Au commencement de son règne furent faictes et construictes les murailles de pierre de taille tout le long de la riuiere de Seine au lieu quon dict la Mégisserie depuis le commencement dudict lieu iusques au près du chasteau du Louure pour la tuition et deffence des basteaux illec venans et afïluans a ladicte ville. Ledict roy fit faire et fabriquer une ymaige nostre Dame, dargent dore, laquelle luy mesmes mit et ponsa au lieu ou paravant aucuns pires que chiens ou barbares maulditz heretiquez avoient couppe la teste a une ymage nostre Dame faicte de pierre, le dernier de May mil cinq cents vingt huyt. Laquelle ymage assise derrière le petit sainct Anthoine est de présent appellee Nostre Dame de souffrance. Gelluy seigneur aussy a faict reparer le chasteau du Louure de plusieurs riches edifïices, lequel lieu il a esleu pour sa demourance. Pareillement a faict commencer les chasteaulx de Fontaine bleau,

Long champ assis et situe près le boys de Boullongne a deux petites lieues de Paris sur la façon du chasteau de Madric, assis en Espaigne.

Francoys tresnoble roy de France Pour reparer daucuns loutrage Dargent fit fabriquer lymage.

De nostre dame de souffrance.

Régnant le roy Francoys fut acheue environ lan mil cinq centz vingt et huyt le collège du mans faict de très riche edimce ainsi quon voit, et enuiron ce temps furent construictes deux chappelles au temple a Paris lune au cueur par le grant maistre de Rhodes, et la seconde en la nef par le grant prieur. Lesquelles deux chappelles estoffees dor et dazur a ymaiges enleuees, sont estimées de beaulte tresexcellentes. Lan mil cinq centz trente et deux, le neuflesme jour Daoust fut la première pierre assise, par le prouost de Paris a sainct Eustace, pour icelle église estre creue iusques au lieu dict la croix neufve, laquelle place est de grande estendue.

Semblablement furent crues plusieurs églises en icelle ville, comme sainct Berthelemy, sainct Estienne du mont, la Magdalene, Lhostel dieu, sainct Sauveur et autres : aussy fut rebasty de neuf le monastère de sainct Victor, de tressumptueux ouvraige.

Cest ce que iay peu recueillir par tesmoignage et probation descripture et des anciennes Gronicques entièrement des oppinions de la première construction et fondation de la plus que tryumphante et noble ville de Paris. Semblablement desantiquitez dicelle, et aussi les fondations, bastimens et ediffices en icelle comprins, auecq les noms de leurs premiers instaurateurs iusques a ceste année mil cinq centz trente troys. Lequel petit œuvre malbasty et ediffie, ie dédie et adresse a la benivolence de tous amiables lecteurs, leur suppliant pardonner les faultes en ce traicte sans y penser, ou par ignorance commises.

Le nom et surnom de lauctenr.

Gentilz lecteurs amateurs descripture.

/oyeulx esprits regardez la structure Le bastiment et la fondation Lacroissement et laugmentation Et la façon comment Paris la ville .S'est augmentée en matière civille Considérez la sienne antiquité Ou mainctz cas sont de singularité .Regardez bien tous ces beaulx ediffkes .Recongnoissez ses louenges propices Ou on comprend sa valleur et noblesse Son hault estât sa doulce gentillesse Et tous les biens quon peult en vérité Tbtallement dire dune cite.

Louenges de Paris faict es par ledict aiictenr.

Nostre cite et ville tant exquise Dicte Paris de toutes gens requise Peult auoir loz et desservir la gloire De tout honneur pour lantique mémoire De son premier et noble instaurateur Sil est ainsi que Paris fondateur Soit dudict heu qui fut de Gaulle roy Ou sainsi est que auec puissant arroy

Hercules Grec ait faict fondation

De la cite par une nation

De son pais, ou si la gent troyenne

Ont la cite dicte Parisienne

Faicte et bastie, et mise en son essence

Ceulx cy nommes de treshaulte excellence

Furent iadis et de noblesse antique :

Mesmement ceulx de source Dardanique

Furent très preux et les plus anciens

Qui furent onc es pays Asiens

Paris aussi eut couronne royalle

Et fut le roy de France la loyalle

Donc si lung deulx la faicte et instaurée

Estre elle en doibt prisée et honorée

Pareillement la sienne antiquité

Est de long temps, car a la vérité

Huyt centz trente ans auant que dieu souffrist

Tresdure mort, et a la croix se offrist

Paris avoit prins son commencement

Par les Troyens, et le sien fondement.

Or est Paris en très bel aer assise

Entour soy a la riuiere rassise

Et fleuue doulx, que Ion appelle Seine

Ou leau decourt clere plaisante et seine.

De lautre part sont les forestz très plaines

De venoison, champaignes, boys, et plaines

Terres portans les vignes très plaisantes

Autres aussi en tous bledz habondantes

Laer y est doulx, et la terre fertille

Et en tous fruyctz très commode et utille

En elle aussi sont grans chasteaulx et tours Plus quil ny a dicy jusques a Tours Maisons dhonneur. voit on dedens Luthesse Maint bastillon et riche forteresse Comme le Louure et la Bastille noble Dont telle na dedens Constantinnoble.

Puis des seigneurs les maisons de plaisance Les grans logis ou prennent ample aisance Comme lhostel de Bourbon Villeroy Dict chasteaupers et la maison du roy Près le Palais, lequel Palais a bruyt Destre le myeulx en bel œuvre construyt Quon veit iamais en la Chrestiente Pour sa grandeur, puis on voit a plante Dautres logis plains de beaulx édifices Pour les bourgeoys et citoyens propices. Ceste ville est de unze portes enclose Avecq gros murs qui pas nest peu de chose Profondz fossez tout a lentour sestendent Ou maintes eaux de toutes parts se rendent Lequel encloz sep lieues lors contient Comme le bruyt tout commun le maintient. Puys après sont cinq grantz pontz pour passer Pardessus leau, aussy pour rapasser Depuis la ville en la noble cite De la cite en luniuersite.

Avecq ce sont maintes églises belles Temples diuins, monastères chapelles En très gros nombre, on peult pareillement Ceste louer pour le beau parlement

Et sainct sénat ou sont les conseillers En nombre cent hommes tressinguliers De grant scauoir qui tiennent leurs office De par le Roy pour faire à tous iustice Sur les procès en la court intimez.

Autres gens sont en iustice estimez Tenant le lieu du grant Preuost royal Pour ordonner leur jugement loyal A toutes gens selon leur cause bonne Apres y a maincte docte personne Estudiant aux loix pource establiz Et de scavoir sont tresfort ennobliz Dedens Paris les sciences florissent Et gens scavans en ce lieu resplendissent Plus quen nul lieu, car Palas y octroyé Autant ou plus quen Athènes ou Troye Le sien seiour, et les muses scavantes ' Sont en ce lieu leur demeure tenantes Plus que iamais ne furent sur le mont De Aonias ou par elles se mond Estoit iadis mainct homme pour apprendre. Ars et mestiers, après nous fault comprendre Desquelz il vient tresgrande utilité Au lieu susdict aussi tranquilite.

Semblablement marchans de toutes guises Viennent illecq pour toutes marchandises Distribuer et tant de peuple habonde En cestuy lieu quil ny a ville au monde Qui soit autant a chascun gracieuse Quest cest cy ny autant spacieuse

Épigramme sur le nom de Paris.

Pour pris dhonneur précieuse maison .Accroissement de tout bien et richesse Roch de vertu et repos de raison Justice vraye en tout temps et saison Scauoir de tout estude de sagesse Gest de Paris le tiltre de noblesse.

Blason des armes de la ville de Paris.

La nef voguant dessus la mer gallicque Porte dans soy richesse inestimable Iustice y est pour patron magnificque Raison y sert de Lieutenant notable Gens de scauoir pour œuvre treslouable Sont galliotz qui la mènent a port Marchans y ont tresaffeure support Prebstres, bourgeoys, nobles, clercz et gen- Icelle nef de si fertille apport [darmes :

Cest de Paris le beau blason des armes.

Plus que moins.