Ms. et soir et mata
5 David espandi sanc humain en faisant guerre : Pour ce ne peut il faire à Dieu temple sus terre. Dont quicunques consacre le sacrement sus pierre Doit l'espée charnel convertir en son feurre *.
6 Tant qu'Urbain ou Clément faire guerre voudra, Du peuple chrestien grant partie mourra ;
Et le scisme tous dis es cuers se demourra, Qui jusques à lonc temps ainsi durer pourra.
7 Se l'un l'autre vaincoit par son povoir grandisme, Encore demourroit l'escandalizant scisme ;
L'en diroit que tout est par puissance pessime. Dont faut il assembler le grant Conseil saintisme.
8 En septembre Tan m ccc septante .viij.
Au Palais, à Paris, les prelas près que tuit col. 2.
De l'église françoise et docteurs de grand fruit Par grant meùr avis dirent ce qui s'ensuit.
9 Distrent que l'en devoit ouïr la part d'Urbain Et sur le fait avoir grant conseil bon et sain, Ains que l'en s'acordast aus cardinal* à plain, Et que ce fait requiert le Conseil souverain.
10 II esconvient à plain le premier escouter Ainçois que on le doie du siège débouter.
Et, s'il a tort, il doit le grant Conseil doubter. Nul autre ne le peut faire au bas dégoûter.
1 1 Posé que le Conseil ne fust pas grant à faire Selon rigueur de droit, si est il nécessaire
Et très expédient, pour les grans malx soubztraire Qu'orrois en ce dittié, se bien vous voulés taire.
12 Les sacremens faudront, se le scisme demeure. Juys s'esjoïront; Sarrasins sans demeure Assaudront crestiens. Cis est nés de mal heure Qui contre le Conseil pour le scisme labeure.
13 Se le scisme plus dure, dont Jhesu Crist nous guart, CelL qui est faulz pape fera, par son faulz art, Faulses promotions, faulz prelas de sa part.
Foy, loy et sacremens seront mis à essart.
i. Corr. fuerre.
14 Les falz prelas feront falses promocions D'abbés et de curés, qui absolutions Falses ministreront, et dissipations Seront faites en lieu de dispensa tions.
15 Quant l'en dispensera sur fait de mariage' En degré deffendu pour prochain cousinage,
En lieu de sacrement sera concubinage, fol. 30 r».
Et les enfans bastars pourserront l'héritage.
16 Trop de mal s'ensuirra par tel division, Corruption de meurs, des bons oppression, De très cruelx tyrans grande exaltation.
Sédition de peuples, de guerre motion.
17 Jà frères et amis s'en sunt entre hays,
Et roys sunt contre roys, pays contre pays ; Charité est perdue, les bons sunt esbahis, Les simples gens loyalx sunt gastés et trahis.
18 Par ce scisme vendront esclandres et horreurs; Contre la foy sourdront hérétiques erreurs.
A murdriers seront les divines honneurs; Malvès feront aus bons grant painnes et terreurs.
19 As hautes digne tés seront mis les indignes Par injustes faveurs; et les sages clers dignes, Justes, castes et bons, envers povres bénignes, Seront hors déboutés par puissances malignes.
20 Urbain et cardinalx proposent fais contraires, Dont ne doit on à plain nulle des .ij. pars traire; Mes fault par justes gens vraïes enquestes faire, Et tout au grant Conseil raporter et retrairo
21 Ceulz qui de l'un des. ij. ont empêtré ou pris, Par grans ambicions, bénéfices de pris, Doivent estre blasmés, refusés et repris,
Et nient au grant Conseil pour conseiller compris.
22 Evesques d'oultre mer qui onques résidence Ne firent sur leur liex, et n'en font conscience, N'avront ou grant Conseil ne vois, ne présidence : Povre sont malgrei eulx; doubteuse est leur sentence.
23 Mes gens humbles et chastes, justes, sans avarice, Sages, qui n'ont voulu prendre aucun bénéfice D'Urbain ou de Climent, doivent à Tedefice
Du gênerai Conseil faire labeur propice.
24 Le gênerai Conseil en sentence qu'il dit
Ne mesprendra de rien : du tout à li m'affie. Donques qui du Conseil gênerai se defGe Monstre qu'il ne sent pas bon droit pour sa partie.
25 Et s'aucun vouloit dire que juge, sans oultraige, Peut justement juger, moien faix tesmoignage, Pour celi qui a tort; dont le grant Conseil saige Peut juger qu'Antccrist est vray saint père mage ;
26 Et nient mains le Conseil jugeroit justement Par allégations faites en jugement;
Dont ne faut il pas faire Conseil publiquement Pour savoir qui est vray pape, Urbain ou Clément :
27 Je di que miex apert que le jugement vaille
Fait pra le grant Conseil, que par dure bataille. col. 2.
Miex vault raison que fait. Donques, comme qu'il aille, Prenons le grant Conseil ; lessons estoir bataille.
28 Entent profondement ; diligaument escoute : Le grant Conseil ne peut en une seule goûte Errer quant à la foy Jhesu Crist; quar sans doubte La foy durra tous temps saine et entière toute.
29 Chascune des .ij. pars dit, maintient et ottrie Que de ce scisme vient en la foy hérésie :
En quel cas le Conseil, fait par bonne industrie, Sépare sans erreur le droit du tort, et trie.
30 Tu dis que de prelas est multitude tant plaine Que les assembler est chose impossible ou vaine. Je di que Crist, eu temps du consile Nyceine, Plus gens avoit qu'il n'a en l'église romaine.
31 Sainte chrestienté, que Jhesus aime et prise,
Mendre est que lors n'estoit en nombre et en comprise * : Dont peut on maintenant bien parfaire l'emprise Du gênerai Conseil par discrète maistrise.
32 Se tu dis- : « Guerres sont de si grant deffiance Qu'il n'est lieu ou l'en puist trouver ccrtifiancc D'assembler; » je di : « Tous doivent faire aliance Tant que parfaite soit du Conseil l'ordenance. »
1. On trouve surtout comprime, ce qu'une chose comprend, embrasse. Lm Franc* cl U Grand Schisme 35
33 Tu dis : « L'en ne doit pas de ce quérir conseil Qui est certain ; or est cler comme le soleil
Que Clément est vray pape. Dont de celx me merveil Qui font pour le Conseil gênerai tel resveil.
34 La partie d'Urbain le grant Conseil refuse
Disant qu'Urbain perdroitdes .ij. clés saint Père use, Et que cil est musart qui pour le Conseil musc, Et que ce ditié n'est que poétique muse. »
35 Je di : « Se l'un des'.ij. est de son droit seûr. Si doit il miex vouloir que par Conseil meîir Soit son droit desclairé, pour oster la peur
Du scisme qui l'Eglise met en tant grant erreur.
36 Les docteurs qui bien sceivcnt vérités catholiques Cognoistre et séparer des falz erreurs obliques Procurèrent à faire les Consculz autentiques, Pour hoster le grant malx que font gens hérétiques.
37 Alexandre, Athanaise et maint père ancien, Creans que Crist est dieu et que tout crestien Croit ainsi, procurèrent le Conseil Nyceen Pour extirper l'orreur de l'erreur Arrien.
38 Dont peut licitement cil qui cuide avoir droit
Se soubsmettre au Constil, et cela miex vaudroit Que les malx s'ensuïssent que souffrir nous faudroit, Se le scisme demeure comme il fait orendroit. »
39 Tu dis : « Miex valt avoir acort et arbitraige,
Quer Conseil gênerai est trop fort à parfaire. » fol. 30 »°.
Je di : « Ce ne feroit pas consciences taire ; On ne doit pas conseil divin à son sens traire. »
40 Miex scroit ou mains mal que, par commun acort, Des .ij. on regardast le quel a droit ou tort,
Que le scisme nourrir en faisant guerre fort. Mes encore trop miex au grant Conseil m'acort.
41 Mes aussi com l'enfant va envis à l'escole Quand il a trop mesprins en fait ou en parole, Tout aussi pluseurs fuient le Conseil christicole, Disans que ce n'est qu'.j. taquehen monopole.
42 Cardinalz, regardés vostre mère en pitié, L'Eglise qui vous a tant monstre d'amitié.
Considérés les malz escrips en ce ditié ; Lessiés voïc de fait ; prenés le bon traitié.
43 De vous trop me merveil comme cuidés vous estre Juges, tesmoing, partie : c'est contre droit celestre Et canon et civil. Trop serion terrestre,
S'ainsi vous croïon; trop serïés grant maistre.
44 Voulés vous le Conseil gênerai reprouver?
Miex fet celi à croire où l'en ne peut trouver Mcnçonge, que cil où l'en la peut recouvrer : Dont devés le Conseil plus que vous approver.
45 Le décret qui commence In Dei nomine * Ou quelconques décret, tant soit examiné, Ne peut à ce propos si bien estre assigné Que gênerai Conseil en soit desraciné.
46 O vous .ij., cardinalx de Milen, de Florence, Qui vous estes monstres comme en indifférence, Escrivés as prelas, as clers de grant science
Et as princes qu'il facent du Conseil diligence.
47 O Université de Paris, o mestresse
De science, di moy pour quoy n'a fais expresse
Disputoison sur ce. As tu esté despresse 2
En commun, en appert, par menace ou promesse?
48 O Université, as tu adhésion
Faite ovec Tun des .ij. par disputacion, Ou par impression, ou par subjection ?
Ou es tu demourée toute en confusion?
49 Onques la faculté sainte theologique Ne fist despu toison, à Paris, scolastique Pour savoir qui est vray pape ou apostatique. Poy y ont disputé li docteur canonique.
50 O très chrestien roy, Charles françois sisisme 3 , Fay disputer as clers, par art de silogisme, Les matières touchans ce détestable scisme,
Si que ton règne soit hors de blasme et de crisme.
51 Roy, leisse seurement les clers de Paris fere col. 2. Sermons, disputoisons au pour et au contraire,
Pour ouvrir la matière, qui est très nécessaire, Au gênerai Conseil, qui à tous nous doit plaire.
