En attendant
2. La Chine était alors connue bous le nom de province de Gathay ou de Cathoy.
74 Saint Pierre fu à Romme ; saint Johan fu en Asye, Saint Thomas fu en Inde, Mahieu [en] Ethyopie, Et en Jérusalem hut Jaques la maistrie :
One saint Pierre sus elz ne clama segneurie.
75 Nous qui summes de Grèce, .j. patriarche avon, Nient au pape subjet : de certain le sçavon.
Soubz li par pennitance tous nos pechiés lavon ; Foy vraie et espérance en nos cuers enclavon.
76 Et si n'esconvient pas que le pape ait puissance De tollir, de donner du tout ad sa pleisance ; Mes il doit gouverner soubz juste ordenance, Et sera, s'il mesprent, subjet à pénitence.
77 Dame, vous avés tort de faire tel complainte. Urbain fut esleû par paour et par creinte,
Et Clément saintement : ce dit TEglize sainte Des cardinalz, qui onques n'ovrent parole fainte.
78 Les cardinalz si sunt columpnes de l'Eglize, Hautes, fortes et droites pour soustenir l'emprise De gouverner le monde, par si très sainte guize Qu'il n'est adversité qui les plaisse ou brise.
79 Elz sunt si virtueus en toute adversité Et par especial selonc leur dignité, Quant au fet de l'Eglise de chrestianité, Que, pour mort, ne diroient fors pure vérité.
80 Quiconques se defieroit de leur intention Doit comme scismatique avoir punition :
Dont devons nous tous croire par grant dévotion A tous le tesmongnaige dont il font mention.
81 Hz dient et tesmoignent que Urbain est falz pape. Mandé li hont qu'il leisse le tyaire et la chappe.
Il a desobeï; mes encor pas n'eschappe
Au saint père Clément, qui fort le fiert et frappe.
82 Clément est jocnnes homs et de moult grant lignage, Bien hourdés * de gens d'armes, hardi, de grant courage. Urbain est simples homs : si ne fait pas [que] sage
Qui encontre Clément s'oppose et comparage a
83 Donqucs, dame, laissiés Urbain apostatique : Il est droit antichrist, anathcme, hérétique. Joignes vous à Clément, le saint apostolique, Ovcc le roy de France, qui est vray catholique.
84 II n'est pas vraissemblable que Charles, roy de France, Vousist avec Clément avoir ferme aliance,
Se non par bon conseil et par forte acordance
De celz qui hoster pevent et doivent la doublance. fol. 31 v°.
85 A ! dame saine te Eglize, ne dessain tissiés pas 3 ! Gardés vous des paroles dites par faix apas ! Se foy y adjoustés, jamais n'araiz respas * : Droit en enfer irés, trop plus tost que le pas.
86 Les cuers sunt ad Urbain ; à Clément est la bouche. Mes tielzy voïent bien, qui contrefont le louche, Les uns pour espérance d'avoir plus en leur fourche, Les autres par doubtance que Clément ne les courche *.
87 Les .xvj. cardinalz qui pape Urbain eslurent Escristrent aus .vj. aultres d'Avignon que eulz furent De Dieu enluminés quant en leurs cuers conchurent L'élection d'Urbain, et que grant joie en hurent.
88 Escristrent qu'clz tenoient en Dieu ferme espérance Que soubs la beneurée de Urbain gouvernance L'Eglizc floriroit, la foy aroit croissance,
Bien euréëment selonc leur desirrance.
