Math., VI, 24; Luc, XVI

66 Se j'cslisoie l'un, l'autre si m'assauldroit,

Ne, tant qu'il aroit vie, guerre ne me fauldroit.

Et que feroie? dont plus morir me vauldroit.

Si pri Dieu bonnement qu'il veuille aider au droit.

67 S'aucun vouloit entendre à démener la chose,

Et d'unne part et d'autre qui est obscure et close,

Die moi en segrct, se hault dire ne l'ose.

Je l'orroi voulenticrs, soit en vers, soit en prose.

68 Dame, tu te complains d'avoir par mariage Ensemble .ij. maris. Mes ce n'est pas oltraige. Jacob si houst .ij . famés, Lie et Rachel la sage : Dont peus avoir maris .ij. par semblabe usaige.

69 Que l'ame ait .ij. maris, selon le sens mystique, C'est que .ij. papes soient en la foi catholique. Ne semble pas erreur, ne sentence hérétique : Je le te prouveray par raison auten tique.

70 Selon les sains docteurs et la foy de la Bible, Dieu ne veult faire chose senon bonne et possible. Q'un homme ait gouvernance raisonable et paisible Sur tous les gens du monde, c'est chose impossible.

71 En monde ha régions de si très grant distance, Que, se le pape es toit ou à Rome ou en France, En .xx. ans ne pourroit par tout faire ordenance : Tant dis * pluseurs pourroient cheoir en desperance.

72 Comme pourroit seul home bien gouverner la foy En Europe, en Asye, en Afrique, en Cathoy a ? Sur tout le temporel ne peut suffire .j. roy;

Non pourroit .j. seul pape, tantfust de bon arroy.

73 L'Eglise ha pour cspous Jhesu, vray Dieu et home ; col. 2. Et si ha el avec le vrai pape de Romme !

L'Eglize Lin et Clete ovec saint Pierre nomme ; Dont peutl'Eglize avoir .ij. maris : c'est la somme.