Le registre porte « Marchecoul

Varambon \ et de nos notaires Henry Martin, Jehan Cordier, Guillaume de La Posterne, Henry Calemiel, Guillaume de Savig-ny, Berthclomé Cama par tous les mois de novembre, mars et juillet; — et vous, maistre Louis de Vaucemain 2, Henry de Malestroit, Fremin de Coquerel, Robert de Houdetot et Henry Le Coch, et de nos notaires maistre Pierre Fort, Pierre Caisnot, Gille Godeffroy, Jehan de Casteillon, Jehan Le Clerc et Pierre de Genève par tous les mois de décembre, d'avril et d'aoust ; — venez et soiez par devers nous et a nostre court pour faire et deservir chascun selon nostre ordenance dessusdite es mois dessusdits. Nous vous mandons et estroitement enjoignons a tous ensemble et a chascun par soi que vous, nosdits conseillers, pour oïr et délivrer les requestes, et vous, nosdits notaires, pour faire ce qui appartient a vostre office et pour les autres choses que commander vous voudrons, soyez par devers nous a nostre court chascun es mois dessusdits, en telle manière que deffaute n'y ait par vous et que les gens venans a nostredite court puissent estre dellivrez et sans faire longue demeure par devers nous ou nostre court. Et ou cas que aucun de vous deffaudroit de venir es mois dessusdits a nous et a nostredite court, comme dit est, se n'estoit pas essoine de maladie ou pour aucune besoigne en laquelle vous fussiez occupez par nous ou de nostre commandement ou de nostre amé et féal chancelier, nous voulons et décernons des maintenant que vos gaiges et bourses vous soient soustendus du tout et deffendons a nostre amé et féal clerc maistre Pierre de Rochefort, maistre de la Chambre aux deniers de nostre hostel, qu'il ne vous compte desdits mois esquiex vous seriez deffaillans aucune chose, et a maistre Jehan Beatus ou a celuy qui pour le temps fera l'audiance, que bourses ne vous face aucunes pour cause des mois esquiex vous aurez deffailli. Et pour ce que aucuns ne se puisse excuser de négligence ou ignorence, nous voulons que ceste ordenance soit registrée en nostre Chambre des comptes et aussy en la Chambre aux deniers de nostre hostel, en l'audiance. Donné a Gondreville, le treizième jour de juillet, l'an de grâce 1342.

Par le roy en son conseil a vostre relation. Clavel.

1. Le registre porte « Taramhon ». Varambon est une commune du canton de Pont-d'Ain, département de l'Ain. La famille de La Palud possédait cette seigneurie au moins depuis la fin du xi« siècle. Voyez Guigue, Topographie historique du département de VAin, 1873.