Cet ouvrier », le chirurgien

SECOND TRAITÉ. — APOSTÈMES, EXITÜRES ET PUSTULES

et de la part de l’alteration de la matière, à raison dequoy les curations sont aucunement changées. Toutesfois on pourroit bien monstrer, comment quelquefois tous ces temps là se rencontrent, sçauoir est le commencement auec le commencement \ etc., et que le plus souuent ils ne se rencontrent : toutes lesquelles choses i’obmets, à cause de briefueté.

Les apostemes, s’ils ne s’en retournent sont finis par insensible resolution, ou suppuration, ou pourriture, ou endurcissement. Et (selon Galen au liure de VInegale intemperature celle qui se fait par resolution, est meilleure que les autres : et celle qui, par suppuration, meilleure que par endurcissement : et celle qui, par putréfaction, est absoluëment mauuaise.

Signe que l’aposteme se resoult, est legereté, et faute de pulsation.

Signe qu’il suppure, est douleur, et pulsation, auec augmentation de chaleur ®.

Signe qu’il se corrompt, est la noirceur, et liuidité^

Signe qu’il s’en retourne, le soudain amoindrissement par réfrigération, ou à cause de la vénénosité : à quoy s’ensuit fièvre, et mauuais accidens.

Les signes des pustules, seront dits en leurs propres chapitres.

Les signes des exitures sont ceux-cy : Quand tu verras (dit Auicenne) grande pulsation, ou dureté prolongée, ou chaleur, et douleur augmentée, lors estime que l’aposteme est en voye d’estre fait pus, et exiture. Et quand tu y auras veu quelque lizeur et sédation de douleur et de chaleur, et que le chef s’appointe, et auec les doigts tu comprens inondation, et tu verras la couleur décliner à quelque blancheur, lors sçaches qu’il y a la sanie. Dont Hyppocras au second des Aphorismes disoit : Enuiron la génération de la sanie, les douleurs et fièvres aduiennent plus, que quand la sanie est faite. Et à cognoistre la sanie, sois bien aduisé. Car selon Hippocras au sixiesme des Aphorismes, maintefois elle ne se manifeste,

1. Mingelousaulx interprète ainsi : « Par exemple le commencement pris de l’essence avec le commencement pris des accidents, et de l’altération des humeurs. »