Quandam lenitatem », quelque tendreté

DOCT. I, CH. I. — PROPOS GÉNÉRAL

ains le Médecin y est deçeu pour l’espesseur du lieu, et grosseur de la sanie.

Exiture (selon Auicenne) qui est faite auprès des membres nobles, et auprès des iointures, et és membres nerueux, et veneux, et qui est faite en membre debile, et appauury de chaleur naturelle, et qui est faite de grosse matière de tardif mouuement, qui est plaine, ou platte, et non aiguë, est suspecte, et de mauuaise maturation. Parquoy elle a besoin d’ayde au mourir, et de haster son ouuerture. Mais celle qui est differente de ceste-cy, est loüable, et n’a besoin de grande ayde : parce qu’elle meurist lost, et souuent s’ouiire de soy-mesme.

Les exitures sont finies quelquesfois par résolution, mais le plus souuent par ouuerture : et l’ouuerture qui est faite par nature, est meilleure, que celle qui est faite par art, et celle qui par fer, que celle qui par ruptoire \ Car (selon Auicenne) ceste perforation qui est faite par art, engendre virulence, saleté, et fistules : toutesfois quand tu n’y vois point d’excuse, lors il n’y a aultre engin ^

Hyppocras met les iugements de sanie, au premier des Pf'ognostics : que la pourriture est loüable, qui est blanche, et égale par tout, priuée de mauuaise odeur. Et celle, qui est au contraire, très mauuaise.

Les iugements des autres sanies contenues, seront dits en chasque chapitre.

Quant à la curation des apostemes, on voit que Galen l’accomplit par indications prises des dispositions mesmes, et de la nature des membres. Et selon la generale indication, il semble que sous le nom de phlegmon, il ait traité des apostemes vrais, engendrez d’humeurs naturels, au treiziesme de la Thérapeutique ; et des non vrais, qui sont faits d’humeurs non naturels, au quatorziesme.

Semblablement icy nous traiterons de la cure des apostemes vrais, ordinaires, et non corrompus : lesquels quant à eux, sont le plus souuent résolus. Puis sous le nom des pustules et exitures, nous dirons des non vrais, sanieux, corrompus, et conuertis en nature estrangere : en prenant l’indication curatiue de la disposition mesme, et selon la nature des membres, comme dit est.

Or la disposition contient la quantité, la qualité, et la matière qui est enclose, ou comprise en la substance de l’emposteme.

Car autrement est traité vn grand aposteme, autrement vn petit ; autrement celuy qui se fait, et est causé par deriualion : autrement celui qui est fait, et par congestion ; autrement le chaud, autrement le froid, ete.

Le naturel des membres demonstre, que l’aposteme est autrement