DOCT. I, CII. III. — FOL'RMY, HERPES ET PUSTULES CHOLERIQUES

de roses, il seroit fort bon. S’il est expédient de saigner, soit fait selon la maniéré dite au phlegmon.

La troisiesme chose est accomplie par refrigeratifs, et repercussifs au commencement, excepté les cas qu’on sçait du chapitre general. Et en apres par euaporatifs au dehors, ou par transpiration non manifeste au sens. Mais pource que l’Erysipele ne fasche pas seulement de sa quantité, ains aussi de sa qualité ayant vehemente inflammation, il aura besoing de plus grande réfrigération que le phlegmon. Et le terme de la réfrigération soit le changement de couleur : car il cessera adonc certainement. Auicenne aussi loué à cela d’y verser d’eau froide : Et Galen le suc de morelle, joubarbe, pourpier, herbes aux puces, hyoscyame, et autres dits au chapitre de phlegmon : puis il euapore la matière auec farine d’orge, et autres jà dits cy-dessus en la cure du phlegmon. Car comme les signes estoyent pris à la proportion des signes du phlegmon, ainsi les remedes en l’analogie ou proportion de la cure du phlegmon.

La quatriesme intention est accomplie quant au retour de la matière, et l’endurcissement, et la corruption, ainsi qu’il a esté dit au phlegmon. Pour la douleur, et ardeur, on fait vn. tres-hon mitigatif des feuilles et racines d’hyoscyame, enueloppées en estoupes et cuittes sous la braise, meslées auec du populeon, ou graisse, selon qu’il a esté dit auparauant de la douleur du phlegmon. S’il aduenoit qu’il s’vlcerast, soit traité auec onguent blanc, ou auec onguent de litharge : et si on y adjoustoit merde de plomb \ seroit tres-bon.