DOCT. I, GH. IV. — OEDÈME .ET AUTRES APOSTÈMES PHLEGMATICS H

nitreux, et corrosif. L’autre moyen de le faire non naturel, est par meslange, quand vn autre humeur luy suruient d’ailleurs : comme si le sang s’y mesle, le phlegme deuient doux : si la cliolere, deuient salé : si la mélancholie, aspre, et aigre. Doncques il y a huict especes de phlegme non naturel selon Auicenne : Hallyabas n’en met que quatre. Galen semble ne mettre que le salé et l’aigre ‘ : toutesfois au second de la Différence des fièvres^ et au second des Lieux affligez^ et en plu sieurs autres lieux, il fait mention du vitreux : lequel souuent il met auec Taigre, pour la conuenance. De cecy il appert que du phlegme sont engendrées huict especes d’Apostemes.

Premièrement, du phlegme naturel, est engendré l’Oedeme vray et certain. Secondement, du phlegme non naturel par meslange, sont engendrez trois apostemes, selon que trois humeurs y peuuent estre meslez : comme oedeme Phlegmoneux, et Erysipélateux, et Scyrrheux. Tiercement, du phlegme non naturel par alteration de substance, sont engendrez quatre apostemes : premièrement, du phlegme venteux, et vapoureux est engendré aposteme venteux : secondement, du phlegme aigueux est engendré aposteme aigueux : tiercement, du phlegme crud gros et morueux, ou mucillagineux % sont engendrez tous les nœuds, et exitures phlegmatiques, depuis la Loupe, iusques à la Nacte ® : comme sont la glande, les nœuds légers, ou mois, doubelets, et tortues : quatriesmement du phlegme vitreux et gypseux sont faits tous les nœuds durs,' et les escroûelles. Quant au phlegme corrompu et pourry, il engendre les fistules et vlceres escroüelleux.

Doncques vndimie ou Oedeme en Grec, et Zimie en Arabie, est vn aposteme laxe et indoloreux, c’est à dire, peu douloureux, en comparaison du phlegmon, et de l’Erysipele.

Les causes d' Oedeme sont triples, comme des autres apostemes : primitiues, comme la cheute, le coup, et mauuais régime ; antecedentes, la multiplication de l’humeur phlegmatic : coniointes, le phlegme amassé au membre.

Les signes et iugements sont, tumeur laxe et molle, de sorte qu’elle cede aux doigts, et l’impression demeure quand on en a retiré les doigts : petite douleur, et chaleur debile, couleur tirante à blancheur : auec autres signes signifians domination de phlegme,

Oedeme, ainsi que les autres apostemes, a quatre temps : cornmen-