Vndimia », édit, de
SECOND TRAITÉ. — APOSTÈMES, EXITURES ET PUSTULES
cernent, accroissement, estât et déclination. L’Oedeme est terminé, et décliné le plus souuent par resolution, peu souuent par suppuration, fort souuent par conuersion en nœud, et autres excressences : desquelles terminations les cognoissances ont esté dittes cy-dessus au chapitre vniuersel. Les apostemes phlegmatics multiplient en hyuer, aux vieillars, et aux yurongues ^
La curation du vray Oedeme, outre le régime vniuersel, a quatre intentions ; la première, ordonne la maniéré de vie : la seconde égalise la matière antecedente : la troisiesme gouuerne la matière conjointe : et la quatriesme, corrige les accidents.
La première est accomplie par deuë administration des six choses non naturelles, et des trois leurs annexes, qui doiuent décliner à chaleur, et seicheresse, auec quelque subtiliation ^ Et pource leur est conuenable, air subtil, et sec : le pain bien cuit et bien appresté : le vin soit bon, pur et net ® et clair, auec peu d’eau : qu’on choisisse les chairs des petits oyseaux champestres, et de bon mouton, qu’il vse peu de boüillons, herbes, et souppes * : abstienne de ce qui est de paste sans leuain, de choses crues et aigueuses, qu’il ne mange pas la substance des legumes, ne fromage, ne gros fruits. Euite le poisson, horsmis quelque peu de saxatils ® : et tels soient cuits au vin : le rosty luy est plus vtile que le boüilly, et la pastisserie. Qu’il viue sobrement, mange peu, et boiue moins. Le ventre soit iasché auec des figues, et du cartame. L’exercice temperé est bon. Qu’il dorme peu ou point, principalement ® de iour. Fuye le bain, et toutes choses humectantes.
La seconde intention est accomplie, en digérant la matière auec quelque oxymel, et l’éuacuant par quelque médicament chasse phlegme comme seroient pillules coccies, ou de benedicte, ou diaturbith. Et s’il y auoit pléthore, on pourroit loûablement ouurir la veine.
La troisiesme intention est accomplie, au commencement par repercussifs, non pas refroidissants, mais qui ont ensemble exiccation, et resolution : en l’augment, par résolutifs plus forts : en l’estât, auec purs, et tres-forts : en la déclination, auec consumptifs, s’il procédé
