Concedo

128 SECOND TRAITÉ. — APOSTÈMES, EXITÜRES ET PUSTULES

plomb, auec pesante ligature ‘ ; car (comme il dit) il les résolût ^ Et premièrement soit frottée la Loupe auec la main, afin qu’elle s’eschaulfe aucunement, et soit remollie : puis en tenant ferme la partie, soit battue d’vn fond d’vne escuelle, ou autre chose de bois solide, tellement et si souuent qu’elle s’esuanoüisse, et que la vescie interne soit mise en pièces, et la matière espanduë. Et que soudain on lie par dessus vne lame de plomb selon la grandeur de la Loupe, auec vn bandeau à deux chefs, bien estroitement, et ferme : qu’on ne le remue de neuf iours. Toutesfois Rogier y met auparauant, vn onguent fait de plomb bruslé, et de la suye de sureau ou de figuier, auec huile, et vinaigre. Brun (ce qu’a receu Théodore) met premièrement vn emplastre fait d’aloës, accasie, myrrhe, encens, et sarcocolle, auec vinaigre, ou blanc d’œuf. Henric aussi le met auparauant : et encor par dessus la lame, il applique des petites plagelles d’estouppes, trempées en aulbin d’œuf, espaissi auec du sel et de l’alun saccarin.

Le second est accomply (outre les remedes des apostemes phlegmatics cy dessus mis lesquels auec les suiuans sont profitables à cecy, et à toutes hernies) par certain emplastre de Galen, au sixiesme de la Composition des médicaments selon leurs genres, qui dissould les grosses exitures, et profite à celuy qui a escroüelles, et aux apostemes qui sont faits en la racine des oreilles, et à la podagre : et en plusieurs autres maux, il fait extrêmement louable operation : PR. d'huile vieux, deux onces : poix seiche, six onces : ladan, trois onces : litharge, douze drachmes ; verd de gris, quatorze drachmes : galban, trois onces. Le litharge soit broyé auec huile, et puis cuit. Et quand il sera espaissi, qu’on y adiouste la poix, et le verd de gris : et finalement y soit mis le ladan, soyent pilez dans le mortier, et reseruez à l’vsage.

La mesme intention semblablement, selon Rhasis et plusieurs autres, est accomplie auec le Diachylon commun, et Ireat, duquel la forme sera cy-dessous mise en l’antidotaire : auquel sur vne liure de Diachylon soit malaxé vne once de racine d’iris puluerisée : ou auec le grand Diachylon d’Heben Mesuë, duquel aussi la forme sera ditte cy-apres. Aussi le mesme Rhasis, homme de grand expérience, conseille de la fiente vieille de chevre, auec miel et vinaigre, incorporez sur le feu : ou emplastre fait