DOCT. I, CH. IV. — DES NŒUDS, GLANDES, ESCROUELLES, ETC
donne trois drachmes. La benedicte, et la Hiere, les pillules d’agaric, et d’hermodactes majeurs, sont assez conuenables.
Pour la seconde, i’ay suiuant le dire de plusieurs, accoustumé de bailler tel breuuage : PR. âfe la scropulaire, trois parties : filipendule, deux parties : pimpinelle, piloselle, tannesie, choux rouges, glarance, de chacun vne partie : aristolochie, racine de glayeu puant, et racine de r effort, de chacun demie partie : soyent concassez, et bouillis en vin blanc, et miel, tant que la moitié en soit consommée. La décoction soit coulée, et en soit baillé de trois en trois ioiirs, au matin le poix d’vn quarteron, tiede.
Pour la troisiesme, Galen au quatorzième de la Thérapeutique, conseille (principalement auec glandes internes, qui sont cause des externes) Theriaque, Atbanasie, et Ambroisie, et vn médicament qu’il a composé de Nepite cretense, autrement ditte Galament fluviatil.
Nos prédécesseurs ont mis plusieurs autres breuuages et electuaires, semblablement des huiles pour ietter dans des oreilles, et maintes choses empyriques, que ie n’ay receu en mes œuures : toutesfois ie confesse *, que le serenissime Roy de France en guerrit plusieurs en touchant par diuine vertu. Et voila quant au régime, et procez vniuersel.
La procedure particulière ou locale, prend très grande diuersité, selon la substance et grandeur de la tumeur, et la nature, tant du membre que de tout le corps. Quant à la longueur du temps, combien qu’elle n’indique la curation, toutesfois elle indique quelle est la disposition, au quatrième de la Thérapeutique. Or jaçoft que des susdites choses puissent estre prises maintes indications, et intentions, quant à. présent elles soient réduites à six. Premièrement, les molles, et petites qu’on nomme Loupes, quand elles sont en membres fermes, lesquelles pour le peu de temps qu’elles ont duré, on doute qu’ayent la vescie tendre, elles sont estraintes, et desseichées. Secondement les plus grandes, non pas fort dures, enuieillies, en les remolissant sont résolues, et consumées, de la façon des apostemes pblegmatics. Tiercement, les escailleuses, et apostemeuses, qu’il faudra suppurer, sont meuries, ouuertes, et mondifiées. Quatriesmement, celles qui ne pourront estre gueries auec lesdites choses, et qui sont mobiles et traitables, soyent tranchées et tirées dehors. Ginquiesmement, celles qui seront telles, mais immobiles et infiltrées, et larges, soyent corrodées, et mondifiées. Sixiesmement, celles qui seront telles et auront le pied ou la racine graisle, soyent liées et arrachées.
Le premier moyen est accomply selon Auicenne, que telles tumeurs soyent broyées et presséeSj et qu’en apres on espreigne par dessus vn
