DOCT. I, CH. IV. — DES NŒUDS, GLANDES, ESGROUELLES, ETC
de fenugrec, semence de lin, semence de choux conûts auec muccilage de guimaulue : et est bien maturatif.
Halyabbas recommande cettuy-cy : PR. farine des febves, et farine (T orge, de chacun dix drachmes- : riguelice, racine de guimaulue ^ poix, de chacun cinq drachmes : cire blanche, graisse d'oye, de chacun dix drachmes : soyent pilez, et incorporez auec huile vieux, et vrine d’enfant puceau, et dessus vn feu lent soit fait emplastre.
Des remedes d’Auicenne ie prends cettuy-cy : PR. fiente de vache, deux onces : racine de choux, racine de cappres, oignon de mer, figues grasses, de chacun demie once : lupins, et bdellion, de chacun deux drachmes : miel, vinaigre, graisse de porc, crasse d'huile vieux, de chacun tant qu'il suffira : soit fait emplastre.
Brun a esprouué cettuy-cy en tous apostemes durs, Théodore l’a prins de luy : PR. ammoniac, bdellion, et galban, de chacun es galles parties : soient destrempez en vinaigre par trois iours, ausquels estans sur le feu, soit adiousté du bran subtil, et en soit fait emplastre.
Rogier pour les escroüelles : PR. racine de feugere, et d' aspjhodele , et si- on y adjoustait de celle d’hyeble, seroit bon. Soyent cuites en très bon vin, et en les pilant, qu’on y adiousté vn peu de souffre vif, et soit fait emplastre.
Mon maistre de Montpellier loüoit souuerainement l’emplastre fait de douze limaces, cuites en vin, du lexiue de cendres grauelées, ou auec capitel ; voire (qui estoit plus fort) il leur en bailloit tous les iours vne seiche, ou confite.
La troisiesme intention est accomplie communément, auec les choses susdites : car toutes choses resoluantes, remoliitiues, quand elles rencontrent matière résistant à resolution, meurissent la matière et la meinent à suppuration : principalement si la matière est douce, ou accompagnée de sang ; Halyabbas toutesfois approprie à les meurir : l’emplastre fait de farine d’orge, d’encens et de poix, incorporez auec vrine d’enfant. Mais Auicenne pour refrener la furie de la chaleur, leur conseille ladite farine, auec eau de coriandre. Il sera plus fort celuy qui est fait de myrrhe, auec le double de lycion, et ladite eau. Or quand ils seront meurs (ce que tu sçauras par les signes de sanie) soyent ouuerts, ou setonnez, et mondifiez auec l’onguent des Apostres, rapporté aux Ghrestiens (qui est de grande guérison aux escroüelles malignes, et vlcerées), ou auec l’onguent Ægyptiac de Rbasis, que nous dirons en l’antidotaire : et auec le Diachylon, ou Diapalma qu’il faut mettre par dessus. Et si elles estoyent en lieu que les os fussent contaminez, et corrompus (comme nous dirons cy-apres des iointures), ou quelque mauuaise morigeration fust suruenuë, soyent régies selon le régime des vlceres, ausquels ils sont rapportées.
NiCAISE. — Guy de Chauliac. 9
SECOND TRAITÉ. — APOSTÈMES, EXITLRES ET PUSTULES
La quatriesme intention est accomplie, selon la doctrine d’Albucasis, lequel tous suiuent en cela, sinon à esprouuer la matière auec l’intromissoire ^ : ce que parauanture il fait, parce qu’il ouure en long celles qui contiennent humeurs, et les mondifie : et celles qui contiennent choses dures, il les taille en croix, et les escorche, Quoy que ce soit, il commande de comprendre auec les doigts ces glandes, escroüelles, et autres telles excroissances traitables, et les fendre en long, et les escorcher auec certaine spatule mousse, et non aigue : esLoignant les bords auec crochets, et de les arracher totalement auec leur sachet (car autrement elles reuiendroient) et s’il est besoin, coudre la playe, et au reste les traitter comme vlceres. Quant à moy, pour le mieux tirer dehors, ie prends la peau pardessus : et auec ciseaux ie retranche ce que reste de la peau en forme de fueille de myrrhe, selon la grandeur de l’excressance, et au demeurant i’y procédé comme dit est. Et si le sang te trouble, il commande de le restreindre auec les remedes contre le sang : et puis reuenir à l’operation. Si le flux est petit, ie l’arreste en essuyant auec esponge, estouppes, ou cotton trempé en eau et vinaigre, et exprimez. Mais si quelque notable veine est continuée auec son pied, il commande de la lier ^ et la laisser ainsi iusqu’a ce qu’elle tombe. S’il y reste quelque chose de la vescie ou sachet, ou de chose estrangere, il commande de la consumer és premiers iours en remplissant la playe de cotton ou semblable, trempé en eau salée : le le trempe en blanc d’œuf, espaissi auec alun : et puis auec onguent Ægyptiac, ou quelque autre des corrosifs. Et en toutes ces operations, il commande appliquer ce qu’appaise les apostemes : et pource applique sur toute la partie, vne estoupade trempée en aulbin d’œufs et huile rosat.
La cinquiesme intention est accomplie selon Brun et ceux qui l’ensuiuent, que la peau soit rompue par vn caustique, selon la grandeur de l’excressance ; et qu’on garde soigneusement qu’il ne s’espande aux autres parties. A cela ne manque point, ains ayde à l’operation, le ruptoire de chaux et sauon, qui parfait son operation au moins en douze heures : et s’il y arrestoit d’auantage, ne seroit pas mal. Puis fendez au milieu de l’escharre, de long, enfonçant presque iusques au vif, et enfermez dans l’entailleure vne meiche de quelque corrosif, ou fort médicament, depuis la
1 . Est un instrument ayant teste pointue et poignante, de la figure d’un noyau de jujubes. Albucasis propose ainsi la maniéré de telle recherche : Tu introduiras cest instrument au plus humide lieu que tu trouues en l’aposteme, tournoyant des doigts peu à peu, iusques à tant qu’il ait percé la peau. A donc pousse le selon la mesure de la grandeur de Taposteme. Puis retire l’intromissoire, et considéré ce que sort en sa trace. (J.)
2. Et faut que le lien soit de matière non facilement pourrissable, comme est le filet de soye, ou une petite corde de luth. (J.)
