Albumine ovi
DOCT. I, CH. V. — DU SCHIRRE ET AUTRES APOSTÈMES MELANCHOLTQUES 13i
poudre d’asphodeles et plus fort. Et combien que plusieurs en proposent plusieurs, et qu’en l’antidotaire en seront nommez plusieurs, l’arsenic sublimé et préparé, qui le sçait bien conduire, y est le principal ; comme sera dit cy-apres à la rompure.
Le moyen de conduire, et gouuerner asseurément tels remedes, il ne peut estre descrit certainement dit Galen au troisiesme de la Thérapeutique. Car l’arsenic est médicament fort et violent, esmouuant lièvres et mauuais accidents, faisant grande operation en petite quantité. La quantité commune est, de la moitié d’vn grain de froment : aux plus forts, et loing des membres principaux, on y en met plus : és contraires, moins. Il vaut tousiours mieux reiterer, que d’en mettre trop à vne fois. Soh operation dure par trois iours ; par quoy le malade tienne régime, comme s’il auoit la fièvre : et que le membre et parties adiacentes soyent deffenduës auec onguent populeon, morelle, vinaigre, et autres refrigeratifs.
Quand il t’apperra par la durté, et tumeur de l’escharre que la glande est corrompue, dés lors procure la cbeute de l’escharre auec beurre laué, espaissy auec vn peu de farine de froment, ou auec de la graisse, ou quelque autre chose onctueuse sans sel. Apres la cbeute de l’escharre, si quelque chose y reste, soit consumée auec poudre d’asphodeles, ou auec onguent Ægyptiac. Mais si tout est consumé, soit consolidé à la maniéré des autres vlceres.
La sixiesme intention est accomplie auec vn lien de soye ou de poil de cheual, en estraignant de iour en iour le lien qui y est mis (ou y en mettant vn autre), iusques à tant que l’excressance soit desseichée : aydant au lien de quelque corrosif, et mitigeant la douleur auec aulbin d’œuf, ou huile rosat, ou populeon, ou quelque sédatif. Et quand elle sera tombée, qu’on pouruoye à la maniéré des autres cy-dessus dittes.
GINQVIESME CHAPITRE Bu Schirre, et autres Apostemes melaticholiques.
L est jà temps de passer à vn autre genre de tumeurs, sçauoir est à celuy qui est engendré d’humeur melancholique, ayant double différence : c’est du vray, et non vray, tout ainsi que les autres apostemes. Le vray aposteme est, qui est fait de melancholie naturelle, laquelle n’est autre chose que gros sang, trouué en la masse sanguinaire pour nourrir les membres melancholiques. Le non vray, qui est fait de melancholie non naturelle. Melancholie est
SECOND TRAITÉ. — APOSTÈMES, EXITURES ET PUSTULES
humeur froid et sec, engendré de la portion plus grossière du chyle. Elle est double, naturelle, et non naturelle. La naturelle est, la lie et bourbe du bon sang, grosse en substance, en couleur déclinant à quelque noirceur, en saueur à aspérité et aigreur. La non naturelle, est qui desvoye de cette-là dans les termes de sa largesse, lesquelles si elle outrepasse, n’est plus melancholie, ains autre .humeur S ce qu’aduient en quatre maniérés ; l’vne en soy, quand elle se brusle, et pourrit, et deiiient cholere noire, aigre, laquelle si on verse sur la terre, boult comme vinaigre, et les mousches la fuyent.
La seconde maniéré, quand elle est faite par adustion des autres humèurs, comme de la cholere aduste quand elle se brusle dauantage. Et elle est aussi tant maligne, qu’elle boult, et les mousches la fuyent. Quand le sang et la pituite bruslent, il se fait aussi melancholie non naturelle par adustion, et ces deux especes sont les plus doulces, comme dit Auicenne. Toutesfois Galen, et Halyabbas ne font mention que des deux premières. Tiercement, est faite melancholie non naturelle par congélation, et endurcissement, comme extérieurement de phlegmon et autres apostemes d’humeurs naturels, quand ils sont indoctement refroidis, ou résolus ; car adonc le subtil est résolu, et le gros empierré, et conueiTy en melancholie. Quartement, est fait innaturel, quand vn autre humeur luy vient par dehors : combien que tous humeurs l’addoucissent , exceptez les deux choleres adustes.
Dequoy il appert que de melancholie sont engendrez quatre apostemes. Premièrement, de la cholere naturelle est. engendré Schirre ® vray, et certain, phlegmonique, donnant repos, auquel y a quelque sentiment, sans douleur. Secondement, de melancholie non naturelle par meslange , sont faits trois apostemes : comme Schirrhe Phlegmoneux, Oedémateux , et Erysipélateux. Tiercement de melancholie innaturelle par congélation, et endurcissement est engendré Schirre, vray et certain, endurcy, auquel n’y a sentiment ne douleur. Quatriesmement, de melancholie innaturelle par adustion sont engendrées toutes especes de chancres. Schirre donc est aposteme dur, reposé, et appaisé, et indouloureux
1. Mingelousaulx interprète ainsi : « La non naturelle s'éloigne des conditions de la naturelle gardant néantmoins encore quelqu’vn de ses caractères et de ses propriétez desquelles si elle s’éloigne ce n’est plus proprement melancholie, mais quelque autre humeur. »
2. Ms. de Montp. : « comme par cause foraine, qui vient de dehors, comme de flegmon et de empostumes... »
