Chapitre adminiculatif

De l'Aposteme chancreux.

;HANCRE est équivoque à deux : sçauoir est à chancre qui est aposteme, duquel sera dit icy : et à chancre qui est vlcere, duquel sera parlé cy-dessous. Chancre donc aposteme, est

tumeur dure, ronde, veineuse, brune, croissante en peu de

temps, ne donnant repos, chaud, et douloureux. Dont au liure des Tumeurs contre nature, il est dit : quand la cholere noire paruient à la chair si elle est mordante, elle ronge la peau, et y fait vlcere. Mais si elle est plus modérée, fait le chancre sans vlcere. Il commence le plus souuent obscurément de la grandeur d’vn pois ciche, ou d’vne febue : tellement qu’à peine on le cognoist, tout ainsi que les petites plantes ; puis il croist tant qu’vn enfant ne le peut ignorer, au quatorziesme de la Thérapeutique.