SECOND TEL\ITÉ. — APOSTÈMES, EXITURES ET PUSTULES

tics ; car les membres sensibles, comme l’œil, ne soustiennent médicaments acres, ne pesants ; les insensibles, comme le crâne, n’en sont point offencez. La situation de la passion au profond, ou en la superficie, varie aussi les médicaments ; et enseigne par où et de quelle sorte il conuient éuacueru

Ainsi il appert comment, selon les parties organiques, les curations sont changées. Et non moins aussi selon leurs proprietez, comme la tortue en la teste, l’ophthalmie en l’œil, la squinance au col ; et plusieurs autres passions, selon les membres, desquelles sera dit cy-dessous : mais icy nous faut dire des aposternes propres.

A la teste adulent des aposternes chauds, froids, sanieux et non sanieiix, noüeux, glanduleux, et aigueux : desquels on a les causes et signes des susdits. Leur iûgement est, que tels sont à craindre, à raison des commissures, et la prochaineté du cerueau, comme il a esté dit en l’anatomie. Il vaut mieux (suiuant Rogier) délaisser la tortue, et la glande ou taulpe, qui adhéré au crâne, et la contaminé, que (comme il enseigne) la curer auec des trapans. Lanfranc, comme moy aussi, a veu homme qui auoit vne taulpe vlcerée sur la proue de la teste, auec corruption d’os, telle qu’on voyoit aussi bien le mouuement des tayes^ que si le lieu eust esté descouuert : auquel il ordonna vn régime palliatif, et s’en alla.

La cure spéciale des aposternes chauds et froids au pot de la teste, ne différé pas de la cure commune dessus ditte, sinon en trois choses. Premièrement, en la maniéré de viure, comme en toutes les passions de la teste, en spécial sont deffenduës toutes choses fumeuses et vaporeuses. Secondement, à l’euacuation de la matière antecedente, aux matières chaudes sont appropriez l’electuaire de suc de roses, et les pillules de myrobolans, et celles de fumeterre : aux froides, l’hierre, et les pillules coccies et dorées. Tiercement, pour le lieu, et la rnatiere conjointe, quand est en l’oulle de la teste, il y a trois préceptes appropriez. Le premier est, qu’au commencement de tels aposternes, il n’y faut appliquer des propres et fort repercussifs, à cause du voisinage d’vn membre principal. Car il y suffit huile rosat, et tels refrenatifs, dits repellans en large maniéré. Le second, que quand ils viennent à suppuration, on n’attende longuement à les ouurir, afin que la sanie ne contamine le crâne. Le troisiesme, que quand l’aposteme est grand, à ce qu’il soit mieux mondifié, il faut faire vne ouuerture en triangle, en forme de chiffre 7, de laquelle soit la pointe vers la partie supérieure.

Quant aux nœuds et glandes soyent traitez comme dessus a esté dit.

\2eau és testes des enfans ^ suiuant Guillaume de Salicet et Lanfranc