Les Grecs les appellent o>.-jy.Tawaç, phlyctaines. (J

loO

SECOND TRAITÉ. — APOSTÈMES, EXITURES ET PUSTULES

SOUS, de Peminence qui aduient és vlceres des yeux) soyent liez auec vn fil : et apres l’éruption \ soyent regis de la cure des vlceres. ‘

De la tache, et de la trace ou vestige qui les ensuiuent, il sera dit (Dieu aydant) cy-apres au sixiesme. Aussi de l’aposterae fait au lacrymal, il en sera dit au traité des vlceres.

Des apostemes des oreilles. Des apostemes des oreilles, chauds et froids, sanieux et non sanieux, les vns sont faits au profond de l’oreille, les autres en la superficie, les autres en la racine de l’oreille. Et ils ont causes, et signes, comme les autres apostemes, ainsi que dessus a esté dit aux communs apostemes. Mais ils ont iugemens propres : sçauoir est, qu’ils sont suiuis de plus grands douleurs que les autres, mesmement les chauds qui sont au profond vers le conduit de l’oüye.

Les fortes douleurs des oreilles sont dangereuses, car souuent elles sont suiuies de fièvre, resuerie, et syncope, et de la mort aussi. Et les ieunes sont en plus grand danger pour la douleur, que les vieux ; dont les ieunes meurent dans sept iours, et à peine ils peuuent attendre la suppuration : les vieux passent outre, et leurs apostemes suppurent. Et c’est pour la diuersité de leur sensibilité, au troisiesme des Prognostics.

La cure de tels apostemes, quand est de la disposition, ne varie point de la cure commune des autres apostemes : mais quand au lieu, et au symptôme douloureux, elle est diuersifiée. Car jaçoit que les apostemes au profond, et à la superficie des oreilles, soient traitées au commencement auec quelques repellents domestiques, propres aux oreilles, alterans et refrenans la matière, toutesfois ceux qui sont és racines des oreilles, et emonctoires du cerueau (lesquels Galen nomme parotides) ne sont aucunement repercutez, ne refrenez : ains tant qu’on peut sont attirez dehors, comme sera dit cy-apres quand on traitera des apostemes des aisselles, et des aynes : nonobstant que Henric en ait douté. Aussi la douleur, d’autant qu’aucunesfois surmonte sa cause, elle peruertit l’ordre de la curation, et nous réduit à la nécessité d’vser des Narcotiques.

Doncques en la curation de ces apostemes (sçauoir est profond, et superficiel des oreilles) on spécifié quatre choses : La première est, en la vie : la seconde, en la matière antecedente : la troisiesme, en la coniointe, et la quatriesme, és accidents.

La première et seconde sont accomplies par les chapitres communs, selon qu’elles ont esté complétées, appropriéez, et specifiéez en la teste, et en l’ophthalmie. La troisiesme est accomplie selon la diuersité de la matière : car en l’aposteme de matière chaude, conuiennent au commencement les alteratifs froids et domestics : comme sont (suiuant