Parietariae

DOCT. II, CH. III. — APOSTÈMES DU COL ET DU DOS. GOITRE do9

tous. Et à cela mesme vaut le syrop violât, et de pauot, et les penides et le muccilage de la semence de lin, psyllion et coing, dissoulte en quelque eau astringente : comme seroit l’eau rose, de plantain, et de morelle. Et Halyabbas recommande extrêmement à cecy la casse fistule, destrempée en eau de regalice. Et s’il y auoit si grande estroitesse qu’il ne peut aual- 1er, qu’on mette des ventouses tout à l’entour du col pour eslargir le canal. Et quelquefois (dit Auicenne) on y doit introduire vne canule faite d’or ou d’argent \ et semblables pour aider à la respiration. Et quelquefois sert à Feslargissement des voyes de la viande, et de l’air, de presser les espaules auec force.

Or quand les esquinances sont plus vehementes, et que les médicaments n’y valent rien, et on croit que le malade se perdra, Auicenne dit, que ce dequoy on espere qu’il euadera, est Vouuerture de la canne ou gargamelle, non pas de l’épiglotte % entre les deux anneaux ®, tellement qu’il puisse haleiner : le laissant ouuert durant trois iours, et non plus (et pour cause, qui sera ditte cy bas), iusques à tant que la malice du mal soit passée. Puis soit cousu et incarné.

Ce que Albucasis preuue, par le tesmoignage d’vne chambrière, qui d’vn Cousteau s’estoit coupé vne partie du canal du poulmon. Et Auenzoar a esprouué ladite opération sur vne chiévre.

Du Goitre

Goitre est aposteme, ou exiture, ou excroissance au col, de matière humorale conuertie en autre matière.

Ses causes et signes sont, comme des autres apostemes exiturals susdits : mais il a quelques iugemens propres.

I. La cannule peut estre faite courbe, laquelle sera mise par force dans le gosier, pour succer Tair et les viandes sorbiles, qui autrement ne peuuent attaindre le gosier. Mais si Vestroilesse est sous le gosier, il faut mettre le tuyau dans la trachæe, si faire se peut L ou pour le moins dans l’oesophage, de mèsme que le vulgaire y fourre un pourreau aux catharres suffocans auec tres-bon succez. (J.)

2. Les autres lisent canne ou Epiglotte, qui signifient mesmes choses, selon Albucasis, et plusieurs autres. Joubert a mieux aimé imiter celuy qui escrit canne, et non pas Vepiglotie. Or est icy proposée la section du larynx, dit en Grec laryngotomie, que l’on peut entreprendre (mais sagement) en l’extreme suffocation, tandis que les forces sont asseurées. Les Barbares l’appellent subscannation, d’vn nom vulgaire Escannar, qui signifie suffoquer et estrangler, comme si on disoit priuer de la canne, ou de son vsage. Paul Æginete en son sixième liure, recognoit et ordonne ce genre de remede, suiuant Antylle, chirurgien tres-exceUent. Aurelian escrit que c’est vne invention fabuleuse, caduque et temeraire d’Asclepiade. Arætée, plus ancien que ceux-là, reprouue tel remede, de ce qu’il adulent plus grande inflammation de cette playe-là, et consequemment la suffocation en augmente, la toux en est esmeuë, et la playe demeure sans se pouuoir agglutiner. (J.)

3. Le ms. de Montp. dit : « et doit on fere le trou entre deux aneaux ».