a Lana succida », laine grasse (Pline
3. « Coquantur in rubis. » — Faites les cuire avec du Sapa (Mingel.). — Sapa : vin cuit jusqu’à la réduction de la moitié ou des deux tiers.
lo8 SECOND TRAITÉ. — APOSTÈMES, EXITURES ET PUSTULES
réduit en emplastre. Et si on engraissoit cela aiiec vn peu de beurre, il en seroit meilleur.
Rogier ordonne cettuy-cy : PR. racine d’Hyebles, berles ou cardon benoist '% aloyne, de chacun vn manipul : farine d’orge, semence de lin, de chacun demy quarteron : du miel, deux onces : oing de porcs, vn quarteron : soyent cuits, et pilez, et réduits en emplastre.
Lanfranc fait ainsi ; PR. vn nid d’arondelle, et faites le bouillir longuement en eau, puis couler par vn crible : et en la colature cuisez racine de lys, guimaulue, et brionie, feuilles de maulue, violettes, paritoiîx ^ : soyent fort pilez et que l’on incorpore auec eux du leuain bien acre, et farine de semence de lin, de chacun autant qu’il en faudra : soyent bouillis, et à la fin adjoustezy vn peu huile vieux, et oing de porc sans sel, et soit fait emplastre : lequel miraculeusement resoult ou suppure toute esquinance. Et auec ces choses, qu’on face tousiours vn gargarisme maturatif auec eau et vin cuit, et miel, de la décoction de la racine de guimaulue, des figues, semence de lin, fenugrec, et semblables.
L’aposteme estant meur, commande qu’il soit rompu ou percé, s’il est apparent, auec vne lancette : et qu’il soit mondifié auec le mondicatif d’ache, ou auec quelqu’vn des communes exitures. Et s’il est de par dedans non apparent, soit rompu auec les ongles, ou en le frottant de quelque chose, s’il est possible : ou auec gargarismes maturatifs, et apéritifs : comme est de la décoction des figues, dactes, et fenugrec, y adjoustant du leuain. Et le plus fqrt selon Auicenne, est le borax, nitre, myrrhe, poivre, fiente d’arondelle, et de loup, graine de moustarde, et de rue saunage. Et selon Rogier, que l’on prenne vn petit lopin de chair de bœuf demy cuite : soit lié auec vn fil long et ferme, et fais tant qu’il l’aualle, et quand il sera sur le point de l’aualler, retire le soudain par le fil, auec violence, et ainsi l’aposteme sera rompu. Gela mesme peut estre fait auec vne esponge.
L’aposteme estant ouuert, soit mondifié auec gargarismes mondificatifs de vin, miel et semblables.
En la matière froide, pour le commencement soit fait gargarisme auec oxymel : puis qu’il monte à la cannelle, le spic, pyrethre, et asse puante. Et qu’on mette par dehors huiles, et emplastre conuenable. Mais s’il vient à s’endurcir, soit mollifié auec diachylon remolly auec graisse de poulie, ou semblables : ou auec quelqu^vn des remollitifs cy dessus dit chapitre de Schirre, et qu’on dira cy apres.
La quatriesme chose est accomplie, selon les accidents : comme s’il y a forte douleur, qu’on face vn gargarisme de laict tiede : car il est loüé de
1. « Senationum, vel cardonis benedicti. » Senation est autre chose que Senecion, dit en Grec sç-jorifiw. (J.)
