Bene mundata

TROISIÈME TRAITÉ. — PLAIES

qa’est à toy, dit Galen au premier à Glaucon. Et ainsi est parfaite la troisiesme intention.

Quatriesme intention. — De l’emplastration. La quatriesme intention (qui est, de contregarder la substance du membre, et empescher la douleur, apostemation et autres accidents) est accomplie en emplastrant et oignant le membre auec aulbins d’œufs, et choses froides (comme dit Rhasis) és premiers iours. Puis auec du vin gros astringeant : et par ouuertures, et controuuertures, et figure conuenable % en saignant et purgeant quand il sera de besoin, et auec bonne et artificielle maniéré de viure.

Nonobstant ce que plusieurs disent, que la playe (entant que playe) n’a besoin de telles choses : ce qu’il faut confesser en petites occasions, et és corps de bonne complexion : mais où ils sont, Dieu le sçait. Quand aux grandes occasions, et és corps cacochymes, pour les preseruer d’accidents, il est necessaire d’ordonner conuenablement les susdites choses. C’est ce que disoit Galen au sixiesme de la . Thérapeutique : Supposons quelqu’vn qui vienne à nous estant piqué, et blessé, et desvni. Cet homme là, s’il est de bonne vlcere (c’est à dire, bien complexionné), il se passera de médicament, et n’endurera aucun mal. Mais s’il est de mauuais vlcere (c’est à dire cacochyme), premièrement il sentira douleur, et apres en la partie y aura battement et inflammation. Car en toute partie charnue y a des nerfs et veines qui préparent à tels accidents mauuais. Pource disoit Hippocras au premier des Prognostics, que des meilleures choses est vser de preuoyance.

De la phlébotomie. Quant à la phlébotomie, les sages Rhasis, et Albucasis conseillent, que si de la playe n’est sorty du sang à suffisance, qu’elle soit faite du costé opposite. Car la purgation par reuulsion a fort pieu à Hippocras, dit Galen au quatriesme de la Thérapeutique.

Du ventre. Du ventre s’il est constipé, qu’on face des suppositoires ou clysteres : ou qu’on luy baille quelque lenitif de la casse fistule, ou de manne.

Des potions vulnéraires. Touchant les breuuages qu’on donne coustumierement aux blessez, ie dis que ie n’ay accoustumé donner aucun breuuage en playes recentes, d’autant qu’ils sont chauds et apéritifs, esmeuuent le sang, et disposent la playe à aposteme, et à flux. Mais en vlceres vieux, fistuleux et achancris comme aussi quand le sang est congelé au dedans, et pour la sanie assemblée dans la poitrine, et pour les glandes internes, et greueures ie les ay permis quelquefois, comme il sera dit en leurs chapitres. Toutesfois les anciens (comme Rogier, et

1. « Et figura apla. » — Tenant la partie dans une situation convenable. (Ming.)

2. « Et canceratis et chancreux. — Ms. Montp. : « et en chancres ».