c Crepaturis », Ioo9; hernies (Ming
DOCT. I, CH. I. — PROPOS GÉNÉRAL DES PLAIES
les quatre Maislres) ordonnoient indifféremment en toutes playes, et rompures, des breuuages composez de garence en plus grande quantité, et des consoLildes, de plantains, tanesie, chanvre, choux rouges, herhe Robert, pied colomhin, herbe henoiste, langue de chien, pimpenelle, piloselle, et semblables. Ils en tiroient le suc, ou les cuisoient en eau, vin, et miel : et en donnoient chasque matin vn demy quarteron : et mettant par dessus la playe une feuille de choux rouge à l’enuers, matin et soir la bandoient \ Et affirment tels empirics, que si on vomit le breuuage, c’est mauuais signe : mais si on le retient est bon,.mesmement s’il sort par la playe tel qu’on l’a pris : ainsi Dieu leur aide. Il est bien pis de Théodore et de Henric, qui commandent donner de très-fort cleré ^ surtout à ceux qui sont fraichement blessez en la teste, et en la poitrine, le ne sçay d’où vient cette folie. le sçay bien que Galen ne le commande pas.
Le la diette des blessés. La maniéré de viure de tous blessez, et desvnis, depuis le commencement iusques à sept iours (dans lesquels communément ils sont asseurez de fiéure et aposteme), doit estre subtile, froide et seiche : mesmement si le patient est replet, et ieune, et l’air chaud. Qu’on luy oste doncques le vin, principalement pur : et les chairs grossières, gros poissons, pain sans leuain, et mal cuit, le fromage, et les fruits, ails, oignons, moustarde, et toutes espices fortes, toutes choses salées, et aigres. Qu’il vse- de poulets, perdrix, et petits oyseaux, assaisonnez auec eau rose. Qu’il vse aussi d’auenat, orge mondé, amande, amydon, espinars, bourraches, laictuës, plantain, boüillon simple ou composé auec des œufs. Son boire soit d’eau boûillie, en laquelle ait trempé du gros pain : ou d’eau d’orge, ou d’eau auec vn peu de vin gros, et astringeant. Qu’il ne soupe gueres, et se repose : que sur tout il se garde des femmes. Quand il sera asseuré de l’aposteme, qu’on engrossisse sa maniéré de viure, et qu’il retourne de peu à peu à sa coustume.
Qu’il vse donc pour lors de bon vin, bonnes chairs de geline, chappon, et mouton, et de tout ce qui engendre bon sang et repare nature. Or que telle façon de viure soit vtile aux blessez, il est ainsi approuué : Aux- blessez est vtile la façon de viure, qui maintient la vertu, et n’esmeut fiéures ne apostemes, et n^excite flux de sang, et qui préparé nourrissement conuenable au temps conuenable. Telle est cette-cy. Doncques elle est vtile. Et pour cela la recommande Galen, Rhasis, Haliabbas, et Auicenne, Brun, Guillaume et Lanfranc. Mais non pas Théodore, qui commandoit vne diette vineuse et très chaude dès le commencement. le suis plus esbahy de Henric, qui fut nourry à Paris entre les Philosophes, de
1. Ms. de Montp. dit : « vne fueille de choulz rouges houtee en la dicte passion. »
