I. Gaddesden
DOGT. I, CH. I. — PROPOS GÉNÉRAL DES PLAIES
est. qu’on y adiouste vn peu d’opion, ou de mandragore, ainsi que conseille Guillaume. Les quatre Maistres loüent à cecy la racine de morelle incorporée aiiec oing de pourceau. Théodore recommande fort l’emplastre des fueilles des petites maulues, cuites et pilées, et meslées auec cribleure de son. Et si on y adioustoit vn peu d’huile rosat, il seroit meilleur. Aussi la moüelle du pain de froment trempée en eau boüillante, y est tres-bonne comme cy dessus a esté dit. Mais s’il y a forte douleur, il signifie que le nerf est blessé; et pour lors qu’on ait recours à la playe des nerfs.
De l'aposteme. Aposteme est engendrée, cognue, et guerie, selon qu’a esté dit au second Traité, qui est des apostemes. Neantmoins Auicenne loué et approprie à tout membre, depuis la teste iusque aux pieds, l’emplastre fait de grenade douce, cuite en vin adstringeant, pilée et appliquée. S’il ne peut estre repoussé ne dissipé, il le faut suppurer auec emplastres dits à suppurer apostemes. Et à ce Rogier ordonne vne embrocation de maulues, aloyne, armoyse et farine de froment, cuits en vin et vn peu de miel, et assez d’oing. Si la sanie ne s’escoule par la playe, il faudra faire ouuerture au lieu plus propre.
De la discrasie. Discrasie, si elle est chaude (ce qui est cognu par la rougeur, et vésication) refroidis le lieu, non pas auec hyoscyame, ou mandragore, comme dit Galen : car ils refroidissent trop : mais auec des roses, du plantain et de l’onguent blanc, lesquels desseichant, refroidissent modérément. Si elle est froide (ce que lu cognoistras par la mollesse et priuation de couleur) eschaufîe le lieu non pas auec résiné, poix, et bitume, ains auec du vin, et onguent noir (sçauoir est l’onguent fuse) '■ et le basilicon. Mais quand ces accidents conuerlissent les playes en vlceres, qu’on ait recours à la doctrine des vlceres. Si la discrasie est seiche ou humide, soit corrigée par ses contraires : et ainsi des discrasies composez, comme sera dit cy apres.
De la fiéure. S’il y suruient fiéure, soient refroidis, et regis comme a esté dit des apostemes chauds. Et à cela soyent appelez messieurs les Médecins ^
De la Conuuhion
Par conuulsion, Auerrhois entend l’accourcissement des membres, ou telle roideur qu’on ne les peut fleschir ny estendre ; car en icelle l’operation n’est pas abolie, comme en la paralysie, ains est changée, d’autant que la conuulsion (au cinquiesme des Maladies et Symptômes) est vn
1. « Et VDguenlo nigro fusco »; ms. Montp. : « vnguent noir et fust »; Ming. : onguent noir brun.
