Pigmentum fortissimum
TROISIÈME TRAITÉ. — PLAIES
l’auoir siiiuy en cela. De l’Anglois ^ ie ne m’en esbahy pas : car il ne dit rien, que ce qu’il a eu de Henric. Et leur raison ne vaut rien, quand ils disent que le debile soit conforté. Car Galen dit le contraire au commencement des Aphoî'ümes : A ceux qui sont malades, nous ne nous basions pas d’augmenter là force, ains nous la diminuons modérément, ou nous la conseruons telle qu’elle est, au moins és maladies longues ; Sinon qu’il y eust si grande foiblesse, qu’elle mit en arriéré toutes autres indications, ce que n’est pas és playes communes. Et auec ce, quand les indications se contredisent, il ne faut pas en désirant l’vn extrêmement, oublier du tout l’autre, ains les mesler, au septiesme de la Thérapeutique. Dont au huictiesme, enuiron la fin il dit ; le Médecin doit estre exercé, et de nature bien aduisé, afin que pesant subtilement la force de cbasque indication et les comparant toutes les vnes aux autres, il accumule vn sommaire ou chef, des plus propres maniérés de viure du malade. Ce qui les a abusez, a esté la traduction de l’Arabie, au quatriesme de la Thérapeutique, chapitre penultiesme, qui dit : Item, il te faut abstenir du vin quand l’aposteme est chaud : mais en autre temps non. Car il deuoit dire, tant qu’il y peut auoir aposteme. Ce qu’appert de la tradüction du Grec, qui dit : Il est notoire, qu’il faut s’abstenir de l’vsage du vin, au temps des phlegmons, autrement rien n’empesche d’en donner. Et ainsi on accorde, que du commencement iusques à sept iours (qui est le temps de l’inflammation), on ne donne point de vin : mais ce terme passé, qu’il ne soit defîendu. Et ainsi est accomplie la quatriesme intention qui estoit de conseruer la substance du membre.
Cinquiesme intention. La cinquiesme intention, qui est de corriger les accidents introduits, est accomplie selon la diuersité des accidents. Or les accidents qui ont accoustumé de suruenir és solutions de continuité, sont douleur, aposteme, dyscrasie, fiéure, demangement, conuulsion, paralysie, éuanouissement, et resuerie. Et il faut sçauoir, que la playe n’est iamais guerie iusques à tant que lesdits accidents soyent corrigez. Car les accidents qui surmontent leur cause, peruertissent l’ordre de la curation, au commencement du liure à Glaucon.
De la douleur. Quant à la douleur, parce qu’elle est cause d’attraction de matière au lieu blessé, et d’engendrer aposteme, il faut sur toutes choses l’éuiter. La douleur communément est appaisée, en fomentant la partie auec huile chaude ; et si l’huile estoit rosat, il serait plus - vtile : et si on y adioustoit aulbin d’œuf, ou le moyeu, quand il n’y a pas grand chaleur, il ne maculeroit pas tant la playe. Et s’il est necessaire d’assopir aucunement la partie, l’huile soit de pauot : et si besoin
