DOCT. I, CH. II. — PLAIE FAITE EA LA CHAIR

meüre après la cousture poudre rouge incarnaliue et conseruatiue : laquelle on fait de deux parts d’encens, et d’vne de sang dragon. Albucasis y adjouste trois parts de chaux viue, et Lanfranc y consent. Quant à moy i’y adiouste du bol arménien, en lieu de la chaux. Halyabbas y met des sandals. La poudre seule y est appliquée, en contregardant qu’elle n’entre dans la playe, ne poil aussi, n’huile, car chacune de ces choses empesche la consolidation. Ou elle peut estre incorporée âuec blancs d’œufs, et par dessus vne ou deux estoupades destrempées és susdits aulbins d’œufs : sur la playe immédiatement! il met vn drapeau délié mouillé de mesme afin qu’en releuant, les estoupades ne deschirent les points. Et si on oignoit d’huile rosat les entours pour deffendre de la douleur et apostemation, il seroit bon. Quand à la ligature et cousture, et estoupades qui y conuiennent et comment sont faites, a esté dit au propos commun. Et ne soit reueuë iusques au quatriesme iour, sinon que la douleur, ou autre accident raolestast. Apres le quatriesme iour, si tu ne la trouues consolidée, soit lauée de vin adstringeant chaud, et y ayant trempé des estoupades, soient exprimées, et appliquées, et bendées, et qu’on les remué de iour en iour : car en peu, de temps elle sera consolidée, tesmoin Galen au quatriesme contre Thessale, qui prolongeoit la curation des playes à vn mois, qu’il pouuoit parfaire en six ou sept iours au plus.

On loüe le premier appareil auec blanc d’œuf, et ladite poudre, d’autant qu’il réfréné, et défend, et arreste le sang, la douleur, et l’aposteme. Et le second auecques du vin : parce que le vin (selon Galen au troisiesme) est tres-bon médicament de toutes playes^ entant que sont^ playes, c’est à dire, qu’elles n’ont impliquée aucune disposition qui contredise. Ce qui est ainsi prouué : La playe entant que playe, requiert d’estre seichée, et restreinte, mesmement celle qui est grande. Or le vin fait ces deux choses. .La majeure est ainsi prouuée : Car, selon Galen, en ce temps y a besoin de médicament qui desseiche la partie, afin que, s’il y reste encore quelque sérosité, il la consume ® : et qu’il empesche celle qui deuoit découler aux espaces vuides : Et pour ce le consolidatil ou agglulinatif (c’est tout vn, au troisiesme du Techni) doit estre plus, desseichant, que l’incarnatif : sçauoir est jusques au second degré. La mineure est ainsi déduite : Le vin nouueau (au huictiesme des Simples médicaments) est chaud au premier degré, le vieux au troisiesme, le moyen au second ; et en proportion des chaleurs sont ses seicheresses. Et pour ce selon les diuerses natures, il desseiche et consolide, ains il ne humecte pas ne refroidit, ainsi que disoit Théodore. Et c’est ce que