DOCT. T, CH. IL — PLAIE FAITE EN LA CHAIR
seiche, et la playe plus humide, et les annexes plus secs, tu iugeras que le médicament doit seicher au second et troisiesme degré. Et si c’est au contraire, qu’il desseiche seulement, au premier degré. Et c’est pour ce qu’en la première, la maladie est fort esloignée de la disposition du membre, et en la seconde peu, comme dit Auicenne. Toutes ces choses (dit Galen au troisiesme de la Thérapeutique) sont comprises par conjecture, et est notoire, que celuy pourra tres-bien conjecturer des médicaments, qui sera exercé en ces discours % s’entend des complexions et médicaments. Tu vois donc manifestement de combien de considérations a besoin l’homme qui doit guérir vn vlcere par droite méthode. Car puis qu’il a esté trouué, qu’en l’affection y a humidité, le médicament exiccatif en a esté demonstré. Mais pource que d’iceux les vus desseichent plus, les autres moins, et que les vns eschauffent, les autres refroidissent, on doit prendre ce qui est profitable, de la différence des vlceres, et de la nature du patient, et de leurs annexes. Thessale ne faisait pas ainsi, n’aussi plusieurs qui auiourd’huy thessalizent ^ croyans qu’il n’y a qu’vne cure de tous hommes : à la mode des mauuais cordonniers, qui (suiuant le prouerbe) chaussent tous sur vne forme de soulier, au neufiesme de la Thérapeutique chapitre treiziesme, et au cinquiesme de Garder la santé chapitre onziesme.
La commune pratique en telles playes est, que le sang estant arresté, et le lieu asseuré d’aposteme et de douleur, on laue la playe de vin chaud, puis l’ayant essuyée on y mette poudre ou onguent regeneratif de chair ; et en après mesches, ou plumaceaux de charpie, et quelque emplastre ou onguent regeneratif de chair : desquels il sera dit amplement en l’antidotaire. Par dessus on met estoupes seiches, ou trempées en vin : et on bande du bandage qui retient les medicamens : et on la remue deux fois le iour en esté et vne en hyver.
De la playe auec perte de cuir. D’icelle Galen dit au troisiesme du Techni, que quand ce qui estoit caue est remply, et l’vlcere est égal, il y suruient vne autre intention. Car la nouuelle chair estant au milieu entre les bords de l’vlcere, il est impossible qu’ils s’unissent. Dont il faut trouuer vne autre intention curatiue : et ce serait couurir de peau, s'il estoit possible. Veu donc que la génération de la peau est impossible, à cause de sa durté, il conuient faire quelque chose semblable à la peau : sçauoir est, de la chair calleuse. Telle sera la chair desseichée. Parquoy il y aura besoin pour la cicatrisation de medicamens exciccatifs et astrin-
1. « Qui in ratiociniis et exercitatus puta de complexionibus. » — Ms. Montp. : « qui sera bien exerce en la pratique et es causes ratiocinatiues, si comme on le puelt voir des complexions et des medicines. »
