Humidus et mollis

TROISIÈME TRAITÉ. — PLAIES

l’alIegue du Iroisiesme de la Composition des médicaments selon les genres : toutesfois il n’est pas en nostre sommaire. Sa forme est telle : PR. ‘ du chalcutis, vne drachme et quart : dragaganthe, huit drachmes et demie : escorce d’encens, vne once et demie : bezard {c’est à dire) galban, vne once : cire, huit onces : et d’huile, autant : vinaigre fort, deux liwxs et quart. Les médicaments secs soient pilez anec du vinaigre, durant quatre jours ^ : et ce qui peut fondre, soit fondu. Estant tout refroidy, soit meslé dans vn pot de terre, en le remûant d’vn très exquis remuement, iusques à tant que tout soit ésgalis. le n’ai pas accoustumé d’en vser, ains ay esprouué que celuy de Galen, et d’Auicenne est bon, qui se fait des farines d’orge, de febues, et d’ers, cuites en eau de cendres. Auicenne met la décoction, miel, et vinaigre.

IV. De la quatriesme (qui est plus propre à la piqueure), Galen conseille au sixiesme, plusieurs medicamens, qui sont appliquez à la playe, pour ouurir le passage aux ichores ; toutesfois le plus asseuré est d’ouurir la peau auecvn rasoir, ou auec vn cautere qui est le meilleur, comme dit Henric : et puis desseicher (comme a dit Galen au troisiesme du Techni) par médicament de subtiles parties, qui puisse penetrer iusques au profond du nerf pertuisé. Tel est (comme il choisit au sixiesme) l’huile sabin (non pas le rosat, ne le mirthin, comme plusieurs font : car ils bouchent, et ne resoluent pas) chaud, et non pas froid. Car suiuant ce qui est dit au cinquiesme des Aphorismes, le froid est ennemy des nerfs. A cette intention aussi est choisie, par le mesme Galen ou que dessus, et est confirmée par Auicenne, la résiné, therebentine, seule, aux enfans, et femmes, et autres qui ont la chaire molle : et auec Euphorbe, à ceux qui ont la chair dure.

Et s’ensuit : nous avons jà composé vn onguent à cette intention, de cire, résiné, therebentine, poix, et euphorbe : Nous y mettons, de cire, vne partie : de la therebentine, et poix, de chacun la moitié ; d’euphorbe, la douziesme partie de la cire, et quelquefois d’auantage, si tu le veux faire plus fort. Semblablement i’ay vsé du propolis (qui est la crasse du miel) seul, et auec de l’euphorbe, et serapin, et opopanax és corps plus durs, en les remollissant auec de l’huile et therebentine. Et auons esperé que le soulphre qui n’a senty le feu, et qui n’est pierreux, profiteroit aux nerfs blessez, à raison de la subtilité, estant meslé auec quelque huile de subtiles parties, tant qu’il soit fait gluant. Car cela a esté esprouvé par expérience. Auenzoar dit l’auoir aussi esprouué. De la chaux laiiée, pource qu’elle est plus propre aux nerfs desnüez, il en sera dit cy bas.

1. Joubert au lieu de dragaganthe met du vitriol, la même quantité.