Circumuoluatur stringendo

DOGT. 11, CH. I. — PLAIES DE LA TÊTE 259

n'y demeure qu’vn espan au milieu. Adoiic vn de ses chefs soit lié auec l’autre par derrière, en estraignant à l’entour de la teste. Et l’autre estant passé auec l’autre par le col, soit lié par deuant sous le menton.

VIII. Le huictiesme enseignement est, qu’à toute aduenture si quelque squille d’os estoit demeurée en la playe, luy soit hardiment baillé auec du vin (s’il n’y a tiéure) la poudre capitale de pimpinelle, betoyne, gariophyllatte, valériane, et osmonde, de chacune égales parties : et autant de piloselle, que de toutes les autres.

IX. Le neufiesme, que le blessé soit posé et couché au commencement sur la partie en laquelle il sera moins greué : et en apres, si fait sanie, sur le lieu blessé, afin que la sanie se puisse mieux escouler. Or ayant mis en auant ces communs préceptes, il faut venir à la cure selon les différences.

De la playe de la teste faite par incision sans fracture du crâne. Si elle est simple, sans déperdition de substance, soit cousüe et bandée et pensée comme les autres playes, et incarnée. Mais si elle est auec déperdition de substance, soit engendrée la chair, et la peau cicatrisée, auec ses mesches, poudres, vnguent et emplastre à ce propres, et soit traitée comme les autres playes.

Que la cousture soit profitable, non seulement en toutes simples playes de la teste, ains aussi en plusieurs autres (non petites, entendez, mais grandes), il est ainsi prouué, car cela est vtile à plusieurs playes de la teste, qui fait demeurer les parties distantes approchées en vn, et auec ce empesche l’alteration de l’air, laquelle est fort nuisante. Or la cousture est telle, au troisiesme du Techni et par toute la Thérapeutique : Parquoy, etc. Et ce fut l’intention d’Auicenne, au quatriesme, disant : Es coupures, esquelles il n’y a que coupure, si elle est grande, soit cousue. Et que plus fort est, il parle quand il y a fracture du crâne, ainsi qu’il appert par la procedure du chapitre. Et notamment il dit : si cela est necessaire. Car si telle fente estoit au sommet de la teste, elle ne seroit pas cousue : mais auxcostez seroit bien cousue, comme on dira cy apres. Et telle cousture permettent Guillaume de Salicet, Lanfranc et Henric. Et Henric l’a permise, entant qu’il luy fust aduis que Théodore l’auoit permise : lequel l’a du tout niée (et mal) contre Auicenne, et aussi d’y mettre huile rosat, car Auicenne et Paul l’ont souuent permise : et commandent mouiller la playe de la teste auec huile rosat, pour appaiser la douleur, quand les playes paruiennent iusques à la peau nerueuse qui couure le crâne ; et pour remollir les os adherans, afin qu’ils soient plus legerement arrachez ; et pour reprimer l’acuité, quand nous voulons mondifier les membranes intérieures avec du miel. Et leur raison ne vaut rien, quand à la cousture ; car le bandage incarnatif est fort défectueux en la teste, comme il sera dit. Ne, quant à l’huile rosat ; car nonobstant que l’vnctueüx rend

TROISlàlE TRAITÉ. — PLAIES

sales les playes simples, toutesfois il racoustre et emende celles qui sont composées auec douleur, et autres dispositions requérantes l’huile. Or Galen commande, que tousiours on tienne le milieu és indications contraires.

De la playe de la teste faite par incision auec fracture du crâne non pénétrante. Telle playe, ou est grande, ou petite. S’elle est petite (que plusieurs ont appelé Rimule ou petite fente) elle est pensée de mesme que la precedente sans fracture du crâne ; car en telle playe s’engendre peu de sanie, et à cause de son espesseur ne peut descendre par telle petite fente.

Mais si elle est grande, ou elle est aux costez de la teste, ou en la partie supérieure. Si elle est aux costez, elle est traitée aussi de mesme cure que la première simple : sauf qu’en la partie inferieure on met vne tente, afin que si aucune matière estoit retenue en la fente, elle peut estre purgée par le trou de la tente. Si en la partie supérieure, elle ne sera pas cousue, ains la, sera faite la curation de Galen au sixiesme de la Thérapeutique, qui dit : Les fractures simples qui paruiennent iusques au Diploë (qui est le milieu d’entre les deux tables du crâne), ont besoin des rasoirs, c’est à dire des rugines ^ estroites. Or il faut qu’il y en ait plusieurs quant au nombre, mais inégaux en grandeur, à ce qu’on n’ait faute du plus necessaire à la besogne. Puis ayant desnüé l’os malade, comme il est de coustume, vser pour le premier du plus large, et pour le second du plus estroit apres celuy-là, et ainsi consequemment des autres, iusques au plus estroit de tous ; et de celuy-là il conuient vser au diploë. Puis mesme (si la douleur no requiert autre chose) il faut curer par medicamens secs, dés incontinent et iusques à la tin, lesquels sont nommez Céphaliques (desquels à la fin du chapitre sera parlé), avec leurs mesches et exiccatoires, et autres remedes opportuns.

Mais pourquoy cette playe n’est cousuë? Pource qu’estant au milieu de la teste, ne se peut expurger d’elle-même, et si la sanie n’estoit inhibée, et desseichée par mesches et autres remedes, quelque matière pourroit estre entretenuë au milieu des tables, et là se pourrit, et engendre pourriture aux os ^

De la playe par incision, auec fracture du crâne sans déperdition de substance de l’os, pénétrante iusques à la superficie interne. Telle playe a squilles, pu non, ains est plaine et égale. S’elle a squilles, qui puissent piquer la dure mere, estant les squilles et asperitez applanies

1. « Dictorum rasorum, scilicet rugiaoram strictorum indigent », io37.