Ms. Montp. : « est tel par maniéré de notable que

NicaisE. — Guy de Chauliac.

TROISIÈME TRAITÉ. — PLAIES

apres le commencement soient faites les autres choses, comme sera dit és propres lieux, à nettoyer, et incarner. Et aux entours soit tousiours oingt d’onguent, de bol, ou d’huile rosat, à ce que la douleur et l’intemperature * soient appaisées, et l’apostemation empeschée.

IV. Le quatriesme, qu’on se garde du froid : car comme tu as souuent ouy d’Hippocrate, le froid est ennemy des nerfs, et des os et des moüelles : et auec ce l’air offence et altéré les membres principaux. Pource Guillaume conseilloit, qu’en hyuer, quand on les pense, on mette auprès d’eux de la braise, et que les fenestres fermées on ait lumière de chandelle : et que apres le bandage, on luy couure la teste d’une coëfFe de peau de mouton.

V. Le cinquiesme, que si sanie y est faite, ils soient pensez vne fois le iour en hyuer, et deux en esté : et que le rechangement et nettoyement ^ soit fait auec coton, charpie et drapeaux mollets, doucement et sans douleur.

YI. Le sixiesme, que dessus les mesches on mette vne piece d’esponge souëfue, afin que par icelle la sanie soit succée et receuë, que ne descende au cerueau.

YII. Des bandages de la teste. Le septiesme, que bandage conuenable y soit accommodé : comme quand nous voulons incarner, soit faite vne bande à deux chefs, laquelle pour le moins est demy incarnatiue. Et est faite ainsi : Qu’on ait vne bande longue plus d’vne brasse, et large de quatre doigts : et soit toute roullée, excepté deux espans ®, desquels soit commencé au long du front, tirant vers l’oreille qui est à l’opposite de la playe : et l’autre partie roullée vers l’oreille du costé de la playe (ne couurant toutesfois les oreilles), la menant iusques à l’autre chef de la bande : et là prés de l’oreille, soit contournée en estraignant ^ : et le chef des espans soit mené en bas, le chef roulé soit mené en haut vers la teste, en le ramenant par le costé derrière de la teste, vers le chef des espans ; et de rechef comme deuant, la contournant auec l’autre, et la retournant sur la teste. Et cela soit fait tant de fois, que tout soit couuert et bien bandé; Cela fait, les Bolognois lient les deux chefs dessous le menton, et les Parisiens les cousent au milieu du front.

Mais si nous voulions seulement retenir les médicaments, nous ferions vn bandage à plusieurs chefs, lequel se fait en la teste par ce moyen. Qu’on ait vne grande piece de linge longue de trois espans, et large dedeux. Soit taillée de chaque costé du large de trois doigts, iusqu’a ce que