Prima rerautatione

4. « Pecia panni delicali, aut sindonis mollis infusa in melle. 5> Pannus, morceau d’étoffe, linge (pour couvrir les plaies). Sindon, fin tissu de lin, toile fine.

TROISIÈME TRAITÉ. — PLAIES

mouuement contre l’os. Et par dessus, mesches délicates baignées (au moins pour la première fois) en la mesme mixture. Et sur icelles et l’os mesme, vne piece de drapeau aussi baignée : afin qu’elle empesche la sanie de couler en bas. Mais les anciens y mettoient vne piece de tasse \ et c’estoit vne tromperie, car les assistans qui n’estoient au second appareil croyaient qu’elle demeuras! là,- en lieu de l’os perdu. Et par dessus, en la playe de la chair, soient mis autres plumaceaux secs, ou vne piece d’esponge, qui esboyue la sanie : et par dessus vn emplastre capital, qu’il soit percé, afin qu’il n’enferme la sanie, et finalement estoupades baignées en vin chaud, et espraintes, et vne qui ne soit trempée. Et soit bandé si délicatement, que le bandage retienne et ne comprime point. Or quand la playe sera bien mondifiée, qu’on oste le premier drapeau, et qu’on y mette de la poudre capitale ; et que l’on continue à incarner. Finalement, quand elle sera incarnée, soit close et consolidée par poudre cicatrizatiue. En cette operation ie lotie assez Henric.

De la playe auec contusion, sans fracture du crâne. Le conseil d’Auicenne est, que la matière soit refrenée dès le commencement, auec le commun appareil d’aulbin d’œuf. Et si tu y veux adiouster d’huile rosat (parce qu’il est mitigatif), sera bon. En apres, la matière soit résolue par vin salé et miel : ou par quelque médicament de ceux qu’on a dit au chapitre de contusion, au propos commun. Et si sanie s’y engendre, soit meurie, et ouuerte comme les autres exitures.

De la playe auec contusion et petite fracture. Le conseil de Galen est, que si la fracture est petite, soit traitée comme la susdite contusion. Car Galen ne faisant mention de cette différence (laquelle il a nommé seulement siégé ou marque des choses qui ont frappé), taisant aussi la curation, il a voulu affirmer qu’elle seroit traitée comme l’autre. Toute la curation consiste en ce qu’elle, soit tellement résolue, qu’elle ne fasse de la sanie, au moins qui soit notable. Quant à Auicenne, il dit au troisiesme Canon, traitant du mal de teste aduenant d’vn coup, et du régime de celuy à qui est aduenu commotion de cerueau, que toute ton intention doit estre en ce cas, que tu appaises la douleur tant que pourras, et esloignes la matière du lieu blessé, afin qu’il ne s’aposteme. Et ce, par éuacuation et attraction a la partie contraire, par saignée et clysteres piquans, et pilules coccies. Aussi, soit emplastré le lieu dés le commencement auec des choses confortatiues ; comme sont les emplastres

1. « Peciam vnius ciphi. » Ms. Montp. : « une piesse de hanap. » Ganappe : « vne piece de hanap ou tasse d’argent. »