DOCT. II, CH. II. — PLAIES DU VISAGE ET DE SES PARTIES

sagement et conuenableraent, à la maniéré qu’a esté dite cy-dessus de la cousture auec le fil, en faisant tant de points que seront necessaires. Et si les aiguilles droites ne se peuiient bien accomoder à la cousture, soient courbées en les chauffant au feu. Et qu’on mette és narilles deux tentes rondes d’estoupes, ou des canons de plumes d’oye, afin que l’air et la sanie puissent auoir leur souspirail. Et puis qu’on y mette de la poudre, qu’on y applique des plumaceaux de linge faits conuenablement, vn de chaque costé, et vn autre par dessus qui comprenne tout* : baignez pour le premier appareil en aulbin d’œufs, et depuis pour les autres en vin blanc chaud. Et quand il sera de besoin, soit pensé auec emplastre ou onguent incarnatif et consolidatif, et soit bandé ingénieusement.

Des bandages du nez. — Or du bandage de cette partie, plusieurs ont debatu ; car Albucasis et Auicenné semblent le deffendre. Lanfranc et Théodore (comme Henric se le fait accroire) commandent lier de deux ligatures : l’vne sous le nez, pour soustenir, l’autre sur le nez, pour tenir les medicamens. Rogier et Guillaume lient d’vne bande coupée au milieu, par où le nez puisse passer à mode de cheuestre. Henric reprouue tout cela, et dit qu’il seroit mieux sans ligature : car si elle est trop estroitte, difformera le nez, si elle est trop lasche, ne sert de gueres, et tant l’vne que l’autre pourra nuire en dormant, par la compression, au contournement, et mouuement desordonné. Ce neantmoins il la permet, au cas qu’elle soit liée dessous, et non dessus. Quant à moy ie me soucie peu de cette altercation : parce que (comme i’ay dit) en la face ne peut estre donnée certaine reigle de la ligature incarnatiue. Parquoy chacun fasse selon qu’il pourra trouuer mieux de son esprit ; pourueu seulement qu’en la teste soit vne bonne coëffe ou cappelline, à laquelle on couse les bandes, et que en cousant et y mettant assez d’estoupes, et conuenables soustenemens (comme Théodore le commande) on les accommode en la meilleure maniéré qu’il sera possible : à ce qu’on tienne les parties approchées, et les medicamens appliquez, il suffit. Si le nez estoit refroidy, et altéré, Henric conseille, qu’il soit eschauffé de la vertu naturelle des poulets ^ jusques à tant qu’il soit racoustré. Et s’il ne peut estre rabillé, soit osté : mais le plus tard qu’on pourra, à cause de la diffamation du peuple, puis le lieu soit guery et cicatrizé. Que le premier appareil demeure par trois ou quatre iours ; les autres soient remuez deux fois le iour.

Fracture du nez. — On espere que l’os du nez soit restauré dans dixhuit iours. Pour la fracture on adjouste que le nez soit soustenu par l’intromission des doigts ou de quelque baston au dedans, et que par dehors